الجزء 6

لمهم خليناها فداكشي حاشاكم سيدة فرماجة ولكن مكلخا هادشي غير عندهم ماكلا زوينة هادي كون كبرات عندنا ووضربات زبدة بلدية ولمسمن 
وشفنج وغمسات فلمرقة موحال واش تبقى تعرف تكتب حتى سميتها.. لمهم خرجت لعندها واقفين كنهدرو كتسول فيا واش مجروح واش قلبتي فمك واش.. هاح ناس ولات كتشطن عليا من ليلة لولا زعما يكون غير حظ المبتدئين وقف معايا وصافي غيكبرلي لأنا دبا. واقفين كنهدرو بزوج حتى كيوقف علينا نوح كنتسناه يلصق ليا شي تصرفيقة ولا يقولي متبقاش توقف معاها..سيد والو غيرة باش جا لعندنا قاليا كنت كنقلب علك وجرني معاه بقا داوي معايا على ديك لبلاصة لي مشينا ليها تيقولي غدير شويا ديال لفلوس فجيبك قبل مترجع لبلادك وبنادم تما ميقدرش علك أغلبيتهم معمرهم كملو شهر فلصال و.. أنا راه سااهل تقنعني حط ليا غير يدك على كتفي وغلض صوتك وديني بحوايجي قلت ليه غنجرب مرة أخرى ونقولك واش غنكمل معاك ولالا قاليا وخا حتى هدا حل وبغيتك تعرف بلي خدمتك فلصال غتبقى وخا متوافقش.. سيد قتلني مرة كيدير شي فعايل ديال شيطان ومرة كينصحني بحال خويا لكبير. وصلني لدار لقيت داك دري كيتسناني مسكين راه قلتلكم كنتلاقا غير بولاد ناس دعاوي لواليدة واقفين معايا لمهم دري مجراش معايا أصلا مباينلي والو فوجهي عندي واحد لكمارة صعيييب تخلي فيها لاطراس ولكن لغد ليه فصباح كيفاش فايق لمخدة لي حاط عليها وجهي جاتني قاصحة جبدت كاع تلج لي فتلاجة حطيتو حتى داب عاد خرجت نقرى زعما دخلت بارك وكنحسب شحال باقيلي باش نكمل لمتحانات ونرجع نشوف دار توحشت لواليدة ولواليد.. ولكن قبل خاصني شويا دلفلوس باش ندوز شي عطلة دايزها لكلام بلاما نمد يدي لواليدة ولا لواليد.. بقيت كنتسنى غير إمتى يقولي نوح غنمشيو ليلة لمهم سيد خدام معايا فلصال من نيتو دازو شي أيام عاد رجعنا لديك لبلاصة هاد لمرة موجد راسي داخل على خاطري بنادم مفيدوش كيشوفني صغير فلعمر كيحساب ليه غادي يزرب عليا حتى كنصدمو بشي ضربة كيغيب بديت كنولف داك لجو ولفلوس وليت أنا كنطلب فيه باش نمشيو لديك لبلاصة كنهدر مع لواليدة ولواليد أبيل فيديو مجراو مع والو.. بقالي نهار على لإمتحانات ناس كتحفظ وأنا غادي لتما دخلنا كيف ديما واقفين كنتسناو نوبتنا حتى كنسمع ديك لبوليس جاين بنادم كيجري وأنا مدهشر ضربتها بوااحد طيحة مبقيتش عارف رجل شكون لفوقانية حتى كيوقفني نوح قاليا تبعني ناس خارجا من جهة لباب وهو جارني مدخلني للداخل مفهمت والو حتى وصلنا لواحد روڭار حلو وااااحد ريحة طلعات معمري شميت فحالها دمعة هبطات وضلااام تما قاليا هبط قلت ليه واش كتضحك غادي نموت إلا هبطت قالي وخا بغيتي تدوز لعطلة فلحبس بقا.. خونا هبط وخلاني بزز مني تبعتو لقيتو كيتسناني لتحت عارفني غادي ننزل باش نزلت لتم رجعت داكشي لي كليتو يوماين قبل ودموع ولحالة شي نص ساعة باش خرجنا من تما معيط على واحد صاحبو هزنا وصلنا لدار نوح سيد طريق كلها وهو ساد نيفو أنا محاملش راسي وهو كيزيد يكرهني فحياتي لمهم وصلنا دخلت أنا لول ندوش واحد لقرعة دشامبو خويتها كون لقيت جافيل فداك لحمام نعوم بيه.. لبست من حوايجو وبركت كنتسناه تما حتى سالا سولتو على طوموبيل ديالو بقات تما غادي يلقاوها قالي لا متخافش سيد كيضحك وكيعاود لبنادم على داكشي لي وقعلي لتحت بحالا كل نهار كيدوز هادشي خونا مواالف بقينا باركين تما شويا عاد وصلني لدار وخا عيان بقيت سهران كنراجع صدمة هاد لخنز لي طلعت منو صدق كيحل شهية لدراسة ديك 24 ساعة مشديتش فيها تيلي كنرتاح تنوض لدوك لوراق قايل لنوح بلي مغنمشيش للخدمة حتى يفوتو لمتحانات وداكشي لي درت دوزت متحاناتي غير كملت بديت كنوجد راسي لسفر ننقص عليا بعدا شي حاجة ناخد لعائلة تاهوما شي لعيبات مجاتش كيما خرجتي ترجع.. كلشي غادي مزيان قلت للواليدة بلي قريب نرجع، مشيت عند ديك صاحبتها تاهيا قلتها ليها عطاتني واحد تيليفون نوصلو لشي بنت خوها لمهم صافي تحدد لوقت لي غادي نسافر فيه بقاتلي واحد ليوماين دري لي معايا مشا حتى هو لبلادو وأنا راه كندير بلاصتي مع بنادم بزربا مفارقين غير بزز. بقيت بوحدي فدار واقف فالكوزينة خاص نخوي تلاجة من داكشي لي غادي يخسر طليت فلبلاكار وهيا تبالي ديك طاوة لي عطاتني فيها سيدة عشا مزال عندنا فدار ولدها ديما قدامي فلصال كان عليا غير نديها ليه يوصلها معاه.. لمهم درت داكشي لي كنت جامع ومعارف مندير بيه فديك طاوة تفكرت غا لواليدة فاش كتسيفط ليها شي مرا شي حاجة فطبسيل ولا طاوة وضروري ترجعها تاهيا فيها شي حاجة صواب عندنا فدم كنديروه بلا شعور نعاماسي. قصدت دار لولد غير قريبة تندق وهيا تحل مو عطيتها داكشي سولاتني شنو هادشي لوسط بقيت كنشرح ليها تقاليد وناس لخير.. طالقها عليها وشكووون غادي يقوليها خليني نخرج أنا غير من صوت عرفتها متيقتش حتى شفت كمارتها ديك لعوجة من ليلتي تاريخية لبنت تصدمات لقاتني واقف مع مها قدام بابهم لون وجها تبدل سيدة على نيتها قالت ليها هادا لولد لي عاودتلك عليه تعشا معانا داك نهار وكيتريني مع خوك، مسكينة معلابالها بوالو محملتش راسي تسليت من تما راجع فطريق لدار وكنضحك حتى كنسمعها كتعيطلي تمينا غادين كنتمشاو كتسول فيا واش مزال كتهضر مع كريستينا من ديك ليلة.. غادين وتنهضرو حتى وصلنا وهيا تقولي وخا ندخل معاك؟ وايليي أنا نقول لا أمبوستاحيل. دخلنا وهيا تبرم واااااحد جوان معمري شفت بحالو هو بصراحة راه فات سطاج جوان ولا جعبوق عطاتني مقديتش نقول لا زعما عزة نفسي درية تطلع حرشة عليا مجاتش.. نترة لولا وليت غير بارك وكنضحك وهيا تقولي نصل حوايجك ديك ساعة صافي حزق ليا لفرخ دبصح سيدة تابعاني وأنا هارب ويليي لاا واش معندكش خوتك دراري
أول وأخر مرة ندور بدخان مبقيتش عاقل حتى شنو درت ديك ليلة لمهم وصل نهار غنرجع مساخيش بداك لجو وفنفس لوقت توحشت والديا.. جا نوح وديك عشيرتو وصلوني لمطار توادعت معاهم بحالا مكين والو نوح كيوصي رجع بزربا عندنا خدمة قلت ليه أشمن خدمة فيهم قاليا راك عارفني علاش كندوي غادي يحلو بلاصة جديدة من هنا للوقت لي ترجع فيه يكون كلشي مقاد، لمهم دبا سير رتاح شوف عائلتك حتى ترجع وإلا وقعات شي حاجة ومقديتيش ترجع غير صوني ليا ونوقف معاك ضروري ترجع باقين جايينا أيام زوينين.. خونا تصور عليا قدام عشيرتو قلت ليه شكرا وخليتهم تحركت كنفكر واش غنرجع على ود لقراية ولا على ود هادشي كنلقا راسي مكرهتش شي ماتش من غدا ماشي غير على ود لفلوس معنديش مشكل من ناحية لفلوس ومعمرو كان عندي غير أنا بدا كيعجبني داك لجو وصداع وكلشي ليه فلول مكنتش هكدا تبدلو فيا بزااف دحوايج فهاد تسافيرا عالله غير ميلاحضو دار والو أصلا يمكن غير نرجع لدار يتبدل رأيي والله أعلم مزال لوقت باش نفكر فهادشي وصلت لمطار مكيتسناني حتى واحد مقلتش ليهم إمتى غادي نوصل شديت طاكسي حطني عند لباب تندق تندق ولاد لعبد مكينينش فدار زعما كنت باغي نصدمهم صدقو هوما لي صادميني بقيت منشور فجردة تما بسوايع عاد جا لواليد معمرو عنقني هكداك لأول سيد ولا حنين ديال بصح دخلنا لدار قلت ليه عيطيني تيليفونك نعيط على لواليدة نقوليها بلي وصلت لدار.. لواليد طلع برهووش قاليشا واش منيتك خاصنا نديرو ليها شي صدمة مدايراش قلت ليه وخا علاش لا شحال مضحكنا شي نص ساعة وهو كيخمم حتى سمع طوموبيل وقفات عند لباب قاليا دخل لبيتك وسد علك متخرج حتى نعيطلك وداكي لي درت دخلت معايا حوايجي وسديت تنسمع لواليد تيهضر صوتو تبدل سيد غا ضيع عندو موهبة فتمتيل قنعني غير بصوتو كيبان مخلوع ديال بصح قاليها راه شي واحد عيطليه من نمرتي وبلي قاليه شي حاجة بالإنجليزية وطفا تيليفون لواليدة عندي ساااهل تخلعها بالأخص فشي حاجة عندها علاقة بيا بدات كتصوني عليا تاهيا وكتدعي من لبدية لقات تيلي طافي وهيا تزيد تشعل مع لواليد كتقوليه تفكر شنو قاليك واش متأكد ماشي صوت ياسين.. غير من صوتها عرفتها تخلعات ديال بصح شحاال مشافتني عيطات على صاحبتها تما ديك ساعة كنت غادي نخرج قبل متكبر لمعمعة ولكن لواليد قالي بقى تما حتى نعيطلك مبغيتش نخصرليه المسرحية لي داير سيد تاقن دورو.. لواليدة جاوبتها صاحبتها قالتليها مشفتوش شي يوماين ولا تلاتة دبا قاليا بلي غادي يرجع لعندكم واش مزال موصلش؟؟ لواليدة وهيا تبدا تعدد عليها اختي منعرف مالو تيليفون طافي ومنعرف عندمن واش تشفرليه ولا شنو وقع ليه.. غير بديت كنسمعهم كيهضرو على لبوليس وأنا نخرج قبل منزيد نقودها قلت ليها أهداي راه غير كنضحكو معاك لواليدة طلقات تيليفون وحطات ليا وااحد لمسمنة يلاه غتعاودها وأنا نحنطها عاد بردات شويا بدات كتسول إمتى جيتي علاش معيطتيش ليا باش نجيو نوصلوك صافي كبرتي البرهوش.. لواليدة كتطلقني كدوز واحد دقيقة كترجع تعنقني حتى يخرجو عينيا غير قطعات وحشها مني وهيا تقوليا معندكمش صابون تما ريحتك حالتها أوليدي بحال هكدا مسافر مع بنادم فطيارة متحشمش.. لواليدة عندها لحاسة سادسة فشم كتشم شي روايح كلاب دلبوليس مكيشموهمش تقدر تكون يلاه خارج من دوش تقولك ريحتك ناريي.. ولكن بعدا موجدالي لحلاوي طابلا عامرا غير طحت فيها وهيا تخوا شهية مفتووحة بارك تنعاود ليهم على لجو تما جبدت تيلي نوريهم تصاوري تما ودار لي ساكن فيها وهوما يبانو ليا شي تصاور جداد فلملف ديال الكاميرا ومعاقلش عليهم كيباليا للحم والعياذ بالله جاب الله رد لفعل كان سريع متخافش عليا فبحال دوك لمواقف طيارة للحمام شفتهم مزياان تصاور من أخر ليلة حمراء تما كنت مبوق بسيف تا معاقلش عليهم دوك تصاور وفيديوهات أنا ممتيقش بلي أنا لي فيهم كون طاحو فيد شي واحد يوصلهم لواليد غادي يحرق لحالة لمدنية كلها ويلحقني عليها.. مسحتهم وكندور فتيلي نتأكد واش مزالين فشي بلاصة ولالا مبقيتش واتق فراسي صافي مخاصنيش نفرط فهاد تيلي وخا يخسر خاص نحرقو باش ميقدوش يرجعو دوك تصاور نضيع أنا. لمهم رجعت لبيتي لواليدة معليهاش ديما كتخمل تحل شرجم كيما خليتو كيما لقيتو طبعا مغاديش نبرك بوحدي ديك 48 ساعة لولا غا تطلقني لواليدة يشدني لواليد هاه كين شي بنات عاود ليا عاااود ليا هاد ساط كيفاش تلاقا بلواليدة وتزوج تاهو الله أعلم.. جاو لعائلة شفناهم واحد 4 يام عاد قديت نخرج من دار ضربتها بوااحد تسركيلا دايزها لكلام دويت مع نوح خونا غير كيدور ويوصي فيا ماكلتك عنداك ترخا عنداك.. هادي لحاجة لوحيدة لي مكرهاني فلخدمة معاه أنا من نوع دناس لي أي حاجة تحطات قدامو خاصو ياكل منها مكنتسناش لعراضة وداكشي لي درت لواليدة شهيوات كل نهار أنا كناكل وهيا حاضياني أاوليدي بحالا كنتي محبوس كول غير بالعقل دبا تخنق. نارييي شحال توحشت لصال وديك لبلاصة لس كنا كنمشيو ليها بليل صافي كما كنقولو لحمي ولف على لعصا دخلت لمرحة لإدمان. شاد باليزتي كنقلب فيها فاااك تيليفون لي عطاتني سيدة باش نوصلو لبنت خوها مفرزتوش بوحدو لواليدة معرفتش لمن عطاتو كنت تالف عطيتها داكشي لي جبت وهيا فرقاتو سولتها لمن عطاتو قالتلي لختها صافي خالتي مجاتش تقوليها رجعيه مقلت للواليدة والو خرجت ديك ساعة جبدت فلوس خديت خو داك تيلي وخا لكرطونا مبدلا شويا حيدت حيدت بعدا غير تيكيتة وعيطت على سيدة كاااعي قلت ليها واش نسيتي تيليفون لي عطيتيني فين غنوصلو؟ نعتاتلي درب ولوقت لغد ليه مشيت لتما ضارب تيليفون فشكارتي و واقف شي ساعة وصرف وأنا كنتشمش بالخف غادي نرجع للوين لي كنت فيه قبل منسافر شعلت ديال بصح شداني نتسخر ليها كاع وليت مخلصو من جيبي يلاه غادي نعيط على سيدة نقوليها مجا حتى واحد غادي نرجع لدارنا وهيا توقف عليا لبنت ياسين؟