الجزء 4
لمهم ديك ليلة رجعنا معطلين من ديك لحفلة غير دخلت وأنا ننعس لغد ليه نهار كامل وأنا كنفكر فلهضرة لي قالي خونا مكرهتش نرجع لصال ومعاه غتكون حجة وزيارة فنفس لوقت سيد باغي يخلصني محتاج فلوس مكرهتش نكري شي دار صغيرة على قدي ناخد راحتي شويا.. فليل مشيت للخدمة عادي واقف كنغسل فديك طابلا بحال ديما وعلى نقشة كنتسنا غير سبة نحط طابلية ونخرج ولكن خوتنا دايرين ليا خاطري بالزايد معمري مغنلقا معاهم ديك سبة خاصني أنا نقرر واش غنبقا خدام معاهم ولا غنبدل وفديك لحضة سرباي كيحط وااحد لبلاطو عامر طباصل صافي هادي هيا لعلامة من عند سيدي ربي جات على شكل طباصل.. كملت ديك ليلة ومشيت عند سيدة قلت ليها بلي مبقيتش باغي نخدم طبعا بدات كتسول علاش و.. قلت ليها بلي مبقيتش باغي نخدم باغي نعطي وقت كتر للقراية صافي معاوداتش معايا كلمة قالتلي صافي ربي يكمل و يسهل عليك فقرايتك غير متغبرش و وقتما بغيتي ترجع مرحبا.. سيدة ضريفة دبصح، واحد سيمانة موراها ديال راحة عاد عيطت لداك خونا سلام سلام قلت ليه واش مزال عندك ديك لخدمة فلصال قاليا مرحبا وقتما بغيتي.. لغد ليه مورا لحصص لي عندي مشيت لتما لصال ديالو قريب شويا تلاقيتو بركنا شويا كيوري فيا لصال ولمتريال ديالو وهوما يتجمعو دوك لبراهش لي غنبقا خدام معاهم لكبير فيهم عندو ديك 10 سنين وضريفين ديال بصح من نهار لول ولفتهم لمهم سيد كل نهار تيعطيني شي بركة فاش كنبغي نخرج.. قلت لدراري لي ساكن معاهم بلي غادي نتحول لشي بلاصة أخرة لولد لعراقي وهو يلصقني والله جتى نجي معاك غنقصمو فلوس لكرا وخدمة دار بيناتنا و.. مقلت ليه والو أنا أصلا باغي نتحول غير باش نبقا بوحدي ناخد راحتي نلبس لي بغيت وندير لي بغيت(غا خلي بالك يمشي بعيد) لمهم مقديتش نقوليه لا وبصح خاص لي يعاوني فشغل دار إلا دخلت معطل نلقاه بعدا موجد شي لعبة وشويا دلونس مزيانة ماشي فحال داك لبيت مجموعين فيه 3.. لمهم وصيت نوح باش يشوفلي شي دار سيد ولد تما وكيعرف بنادم مكملش نهار رد عليا داني شفت دار مفرشا مبيهاش زوج بيوت حمام وكوزينة وكوان صغير فيه تلفازا صافي هضرت مع مولاها صافي غنجمع غير حويجي ونتفاهم مع دري لي غيسكن معايا ونتحولو.. وداكشي لي درنا تحولنا لتما موراها بشي يوماين خارج كنتقدا شي لعبة نحطوها فتلاجة مجاتش تبقا خاوية جار ديك لكروصة غا تندور تما وهو يجي واحد لولد صغير من لي تنخدم معاهم فلصال عنقني وليت عزيز عليهم حيت كنبقا نضحك معاهم بزاف.. داوي معاه وهو يجي باه سلمت عليه سولني على ولدو واش قبيح بديت تنصبغ فيه لالا ضريف و وعندو موهبة و.. ناس مزال مكملاتش تا شهر باغا تحافظ على الكليان😂 واقفين ب3 تما تنقوليه راه تحولت قريب لتما على ود لصال وهيا تجي مراتو تاهيا تما قاليها راجلها هدا هو.. وهيا تعرضني لعشا قلت ليها ديك لالا منعدبكمش معايا راجلها وهو يأكد عليا قالي لوقت ولعنوان ومشاو تانا كملت تقديتي ورجعت لدار يلاه دوشت ورتاحيت شويا باش خرجت تمشيت لعندهم ناس ضريفين أنا أصلا زهري غا مع ولاد ناس من نهار حطيت رجلي تما لله كيحطلي فطريقي غا ببنادم لي ضريف.. تعشينا ب4 سيد ومراتو و ولدو وأنا كليت حتى مبقاش عندي فين ندير زبيبة أنا راه مكنحشمش فالماكلة لمهم غادي مع سيد موصلني لباب وهيا تجي مراتو عطاتني واحد طاسة فيها شوية من داكشي لي كلينا قالتلي للولد لي ساكن معاك حيت عاوتلهم كلشي أنا راه فاش نكون نخشي لماكلا فوجهي كنبقا غير داوي نڭر معنعرف شنو.. لمهم رجعت لدار عطيت لخونا ديك لماكلا يقصي فرحتو بحال فاش كاجيبلك مك معاها شي صدر د دجاج من شي عرس.. باركين قدام تلفازا وهيا تصوني لواليدة سيمانة مهضرناش ونسييتهم من حاجة لحاجة ديك سيمانة مشديتش تيلي كاع.. دخلت لبيتي وجاوبتها قالتلي تكونيكطا بغيت نهضر معاك فيديو وداكشي لي درنا نقاتلي ودني بعدا صافي مسولناش فيك تنسانا شرفنا وهزيتينا و.. مدافعتش على راسي حيت بصراحة زباليتها هاد لمرة ضميري أنبني.. دار مقايلش ليهم بلي تحولت وعارفيني حبست لخدمة ولواليدة فايتلها شايفا لبلاصة فين كنت كنبات حتى كملات لمحاضرة ديالها على صخط لوالدين عاد جرات مع لبيت مبدل قالتلي بايت عند شي واحد؟؟ قلتلها أه بايت عندي راه تحولت أنا و واحد صاحبي لهاد دار. مخلاتنيش نكملها بدات بالفيلم لي حافظو كل مغربي ضروري ديرو ليك لواليدة فمرحلة من حياتك "واش وليتي كتبيع لحشيش ومربيتكش على هادشي وفأخر ياماتي غنبدا نجيبلك لقفة ولفلوس لي تنصيفطلك مكتقيصهمش" سكتها غير بزز ملقيتش حل أخر من غير نقوليها بلي لقيت خدمة أخرى وخا غتبقى داويا تاني ولكن هادا هو لحل بدات تاني فين و واش غادي تقرا ولا تخدم رجع لداركم.. سيدة بقات كتغوة حتى وليت خايف لتوقعلها شي حاجة قلت ليها صافي غي سكتي بغيتي نبرك غنبرك وغنرجع لبيت لي كنت فيه ولا عرفتي شنو بناقص غادي نرجع لتما مبقا خاصني بوالو من هادشي كاع.. فاش دويت معاها هكداك عاد بردات شويا وبدات كتهدر بالعقل وأنا خايفا عليك و.. لمهم مقطعتش معاها ديك ليلة حتى أكدتلها بلي بعييد على لمشاكل ومعندها مناش تخاف. زعما لله يخلي لينا لوالدين وصافي ماشي أي واحد غيدير معاك هكداك على مصلحتك.. كملت شهر باش بديت لخدمة وداك نوح مبيليش علاش جابني نخدم معاه حيت ديما كيتريني بداك لولد لي ضربت فلجامعة معرفتش كيفاش غيبتو داك نهار غا شي دعوة من دعاوي لواليدة وقفات معايا وصافي لمهم مبقيتش كنتينا بزاف باش نعرف مورا داك شهر مبقاش تيجي داك لولد لصال فخطرة ديك ساعة عاد تفكرني فاش كنبغي نخرج فليل تيبقا يتريني معايا شويا وبشوي بشوي كيطول من ربع ساعة لنص لساعة حتى ولينا تنبقاو حتال 3 سوايع حتى مكبقاش قاد نحرك يديا.. أنا قلت صافي هدا باغي يزيد يعلمني باش تانا ندوز داكشي لدراري لي كنخدم معاهم.. حتى كيباليا داك لولد لي كان تيتريني بيه فلمدرسة مشيت عندو باش نهضر معاه نسولو علاش مبقاش تيجي لصال كتبالي عينو مبزلا سولتو شكون لي دار ليه هكداك مبغاش يجاوب لصقتو هو تيدفع وأنا تابعو جعرتو قلت ليه واش نوح فخبارو بلي تضربتي وهو يطلق وااحد لغوتة لي مكانش تيشوف فينا ولا دبا خونا تفركع عليا
لمهم ديك ليلة رجعنا معطلين من ديك لحفلة غير دخلت وأنا ننعس لغد ليه نهار كامل وأنا كنفكر فلهضرة لي قالي خونا مكرهتش نرجع لصال ومعاه غتكون حجة وزيارة فنفس لوقت سيد باغي يخلصني محتاج فلوس مكرهتش نكري شي دار صغيرة على قدي ناخد راحتي شويا.. فليل مشيت للخدمة عادي واقف كنغسل فديك طابلا بحال ديما وعلى نقشة كنتسنا غير سبة نحط طابلية ونخرج ولكن خوتنا دايرين ليا خاطري بالزايد معمري مغنلقا معاهم ديك سبة خاصني أنا نقرر واش غنبقا خدام معاهم ولا غنبدل وفديك لحضة سرباي كيحط وااحد لبلاطو عامر طباصل صافي هادي هيا لعلامة من عند سيدي ربي جات على شكل طباصل.. كملت ديك ليلة ومشيت عند سيدة قلت ليها بلي مبقيتش باغي نخدم طبعا بدات كتسول علاش و.. قلت ليها بلي مبقيتش باغي نخدم باغي نعطي وقت كتر للقراية صافي معاوداتش معايا كلمة قالتلي صافي ربي يكمل و يسهل عليك فقرايتك غير متغبرش و وقتما بغيتي ترجع مرحبا.. سيدة ضريفة دبصح، واحد سيمانة موراها ديال راحة عاد عيطت لداك خونا سلام سلام قلت ليه واش مزال عندك ديك لخدمة فلصال قاليا مرحبا وقتما بغيتي.. لغد ليه مورا لحصص لي عندي مشيت لتما لصال ديالو قريب شويا تلاقيتو بركنا شويا كيوري فيا لصال ولمتريال ديالو وهوما يتجمعو دوك لبراهش لي غنبقا خدام معاهم لكبير فيهم عندو ديك 10 سنين وضريفين ديال بصح من نهار لول ولفتهم لمهم سيد كل نهار تيعطيني شي بركة فاش كنبغي نخرج.. قلت لدراري لي ساكن معاهم بلي غادي نتحول لشي بلاصة أخرة لولد لعراقي وهو يلصقني والله جتى نجي معاك غنقصمو فلوس لكرا وخدمة دار بيناتنا و.. مقلت ليه والو أنا أصلا باغي نتحول غير باش نبقا بوحدي ناخد راحتي نلبس لي بغيت وندير لي بغيت(غا خلي بالك يمشي بعيد) لمهم مقديتش نقوليه لا وبصح خاص لي يعاوني فشغل دار إلا دخلت معطل نلقاه بعدا موجد شي لعبة وشويا دلونس مزيانة ماشي فحال داك لبيت مجموعين فيه 3.. لمهم وصيت نوح باش يشوفلي شي دار سيد ولد تما وكيعرف بنادم مكملش نهار رد عليا داني شفت دار مفرشا مبيهاش زوج بيوت حمام وكوزينة وكوان صغير فيه تلفازا صافي هضرت مع مولاها صافي غنجمع غير حويجي ونتفاهم مع دري لي غيسكن معايا ونتحولو.. وداكشي لي درنا تحولنا لتما موراها بشي يوماين خارج كنتقدا شي لعبة نحطوها فتلاجة مجاتش تبقا خاوية جار ديك لكروصة غا تندور تما وهو يجي واحد لولد صغير من لي تنخدم معاهم فلصال عنقني وليت عزيز عليهم حيت كنبقا نضحك معاهم بزاف.. داوي معاه وهو يجي باه سلمت عليه سولني على ولدو واش قبيح بديت تنصبغ فيه لالا ضريف و وعندو موهبة و.. ناس مزال مكملاتش تا شهر باغا تحافظ على الكليان😂 واقفين ب3 تما تنقوليه راه تحولت قريب لتما على ود لصال وهيا تجي مراتو تاهيا تما قاليها راجلها هدا هو.. وهيا تعرضني لعشا قلت ليها ديك لالا منعدبكمش معايا راجلها وهو يأكد عليا قالي لوقت ولعنوان ومشاو تانا كملت تقديتي ورجعت لدار يلاه دوشت ورتاحيت شويا باش خرجت تمشيت لعندهم ناس ضريفين أنا أصلا زهري غا مع ولاد ناس من نهار حطيت رجلي تما لله كيحطلي فطريقي غا ببنادم لي ضريف.. تعشينا ب4 سيد ومراتو و ولدو وأنا كليت حتى مبقاش عندي فين ندير زبيبة أنا راه مكنحشمش فالماكلة لمهم غادي مع سيد موصلني لباب وهيا تجي مراتو عطاتني واحد طاسة فيها شوية من داكشي لي كلينا قالتلي للولد لي ساكن معاك حيت عاوتلهم كلشي أنا راه فاش نكون نخشي لماكلا فوجهي كنبقا غير داوي نڭر معنعرف شنو.. لمهم رجعت لدار عطيت لخونا ديك لماكلا يقصي فرحتو بحال فاش كاجيبلك مك معاها شي صدر د دجاج من شي عرس.. باركين قدام تلفازا وهيا تصوني لواليدة سيمانة مهضرناش ونسييتهم من حاجة لحاجة ديك سيمانة مشديتش تيلي كاع.. دخلت لبيتي وجاوبتها قالتلي تكونيكطا بغيت نهضر معاك فيديو وداكشي لي درنا نقاتلي ودني بعدا صافي مسولناش فيك تنسانا شرفنا وهزيتينا و.. مدافعتش على راسي حيت بصراحة زباليتها هاد لمرة ضميري أنبني.. دار مقايلش ليهم بلي تحولت وعارفيني حبست لخدمة ولواليدة فايتلها شايفا لبلاصة فين كنت كنبات حتى كملات لمحاضرة ديالها على صخط لوالدين عاد جرات مع لبيت مبدل قالتلي بايت عند شي واحد؟؟ قلتلها أه بايت عندي راه تحولت أنا و واحد صاحبي لهاد دار. مخلاتنيش نكملها بدات بالفيلم لي حافظو كل مغربي ضروري ديرو ليك لواليدة فمرحلة من حياتك "واش وليتي كتبيع لحشيش ومربيتكش على هادشي وفأخر ياماتي غنبدا نجيبلك لقفة ولفلوس لي تنصيفطلك مكتقيصهمش" سكتها غير بزز ملقيتش حل أخر من غير نقوليها بلي لقيت خدمة أخرى وخا غتبقى داويا تاني ولكن هادا هو لحل بدات تاني فين و واش غادي تقرا ولا تخدم رجع لداركم.. سيدة بقات كتغوة حتى وليت خايف لتوقعلها شي حاجة قلت ليها صافي غي سكتي بغيتي نبرك غنبرك وغنرجع لبيت لي كنت فيه ولا عرفتي شنو بناقص غادي نرجع لتما مبقا خاصني بوالو من هادشي كاع.. فاش دويت معاها هكداك عاد بردات شويا وبدات كتهدر بالعقل وأنا خايفا عليك و.. لمهم مقطعتش معاها ديك ليلة حتى أكدتلها بلي بعييد على لمشاكل ومعندها مناش تخاف. زعما لله يخلي لينا لوالدين وصافي ماشي أي واحد غيدير معاك هكداك على مصلحتك.. كملت شهر باش بديت لخدمة وداك نوح مبيليش علاش جابني نخدم معاه حيت ديما كيتريني بداك لولد لي ضربت فلجامعة معرفتش كيفاش غيبتو داك نهار غا شي دعوة من دعاوي لواليدة وقفات معايا وصافي لمهم مبقيتش كنتينا بزاف باش نعرف مورا داك شهر مبقاش تيجي داك لولد لصال فخطرة ديك ساعة عاد تفكرني فاش كنبغي نخرج فليل تيبقا يتريني معايا شويا وبشوي بشوي كيطول من ربع ساعة لنص لساعة حتى ولينا تنبقاو حتال 3 سوايع حتى مكبقاش قاد نحرك يديا.. أنا قلت صافي هدا باغي يزيد يعلمني باش تانا ندوز داكشي لدراري لي كنخدم معاهم.. حتى كيباليا داك لولد لي كان تيتريني بيه فلمدرسة مشيت عندو باش نهضر معاه نسولو علاش مبقاش تيجي لصال كتبالي عينو مبزلا سولتو شكون لي دار ليه هكداك مبغاش يجاوب لصقتو هو تيدفع وأنا تابعو جعرتو قلت ليه واش نوح فخبارو بلي تضربتي وهو يطلق وااحد لغوتة لي مكانش تيشوف فينا ولا دبا خونا تفركع عليا
Comments
Post a Comment