لحك وغطاه

مهم غادي عند نسيب لمستقبلي غير قربت لدار وهو يصونيلي نوح مجاوبتوش مفيا ميهضر معاه درت تيلي فجيبي وقصدت دار خوتنا كنصوني فلباب ديال دار وهو يجاوبني لحية قلت ليه أنا ياسين من. مخلانيش نكملها قاليا مرحبا دفع لباب ودخل داكشي لي درت دارهم مصرووعا بجهد أنا عايش فقفص زعما ميعطيونيش شي بيت نعيش معاهم حسي ميخرجش. لمهم تلاقيت بيه سلام سلام دخلنا لواحد صالون باركين غير بزوج لا بنتو لا مرتو أنا قلت صافي لحية غير كنت غالط فيه طلع كيغير مزير لقدية رجال بوحدهم ونسا بوحدهم غنتعشاو راس فراس بحال شي هوامل زمعا بنتو راه طالقا شعر والله أعلم أنا راه داوي معاه وكندور هادشي فدماغي فنفس لوقت سيد كينصح فيا شوف نصحك بتجارة حلال وفيها لبركة ناري هاد لحاية كيموتو على لبيع وشرا أرا شي ملابس داخلية واكسسوارات وعطور هنا ولكن سيد ملعق بروجولا.. مزال داوين وهيا تدخل مراتو سيدة مبشورة عاد عرفت درية لمن طالعا معرفتش واش نقول غير سلام ولا نمد يدي ولا شندير راجلها حدايا نخاف تضربها ليا لشي قمعة وناوي نتناسب معاهم زعما عمرها تنسالي سيدة وهيا تهنيني مداتلي يدها سلام ولدي بيخير؟ لحمد لله صافي أنا عجبوني لوالدين كتر من درية وخا تكون كوفرة فلغيس قابل عليها مزال مبركاتش مها وهيا تدخل سلمات عليا وباركين كنهضرو مجموعين كنعاود ليهم على دار سيد طلع كان غير قريب لبلاصة لي فيها دارنا نعتليه درب صدقات بنت عمو ساكنا فنفس درب وسيدة فاش نعتلي دار ووصفها ليا طلعت كنعرفها ديك سلام سلام فدرب وصافي وخا ماشي شي حاجة ولكن راه فشكل حنا لمغاربة ضروري فاش نتلاقاو بشي واحد جديد نلقاو شي صلة قرابة وخا تكون ريحة شحمة فشاقور لا ماشي خويا ولكن كنعرفو ولد عمو واخد بنت خالت واحد سيد كيتقدا من لحانوة لي كنتقدا منو.. لمهم أتاي لفقاص لحلاوي ديالنا شي لعيبات شحاال مكليتهم وباش زادتو صدموني دايرين كسكسو أنا راه كنشرب فأتاي ونيفي شم ريحة لفوار جايا من لكوزينة وسمن دموع كانو غادين يطيحو. لمهم من أحسن ليالي لي دوزت فديك لوقيتا خارج من عندهم سيد حلف تيوصلني لدار وصلنا لدار كيباليا ضو طافي فدار قلت صافي خيتي خارجا لعند مها ولا مع شي صحاباتها قلت ليه طلع تشوف دار لي كاري وتشرب شي حاجة مجاتش نخليه جاي راجع فلبلاصة.. قاليا مرحبا طالعين وكنطلب زهري ياربي متكون مخليا لا صاك لا والو برا لبيت يا ربي أصلا أنا حمار ملقيت فاش ندير صواب لمهم دخلنا لدار سيدة جامعا دار منقياها سيد قاليا تبارك الله علك نقا هو أهم حاجة قلت ليه فخاطري خاصك تجي فاش كنت أنا وداك دري برب تا تضربك ريحة لغمل من دروج برك شويا وهبط وصلتو لطوموبيل مدلي كارطا ديالو فيها نمرتو وسميتو براهيم مجبداا ضربتها فبزطامي وطلعت لدار نقصي شي حاجة وننعس كسكسو راه غير كدبة كنكدبو بيها على لمعدة لمهم قصيت يلاه غنحط راسي سمعت لباب طبعا منضتش غتكون غير لبنت رجعات بقست ناعس حتى دقات عليا فلباب دلبيت قالت ليا ياسين وخا تخرج عندنا واحد دقيقة؟ بلاتي كيفاش *عندنا*؟ قلت صافي هدا نوح حولو عيط ليا قبيلا حليت لباب لقيتها هيا وديك صاحبتها لعوجة سلام سلام قالولي أجي برك معانا شويا إلا قديتي. أنا راه عيان وفيا لموت دنعاس ولكن أامبوستاحيل نقول لا باركين ديك لعوجة جبدات كتبرم فواحد جوان تاني، راه كنقولها عوجة غير حيت كنقارنها مع كريستينا أما تا هيا راه مبيهاش كون كانت فواحد لبلاد نسيت سميتها كون راه عندها كونط إنستغرام فايت لمليون وغالبا غتلاح لراب ولا الواي واي وغتحكم طوندونس. لمهم معلينا باركين بداو كيدورو فداك جوان أنا غير كنخمم واش ناخد ولالا أخر مرة جربت على بونة كنت غادي نحماق شحال من واحد سبابو جوان زعما راه قلنا غنديرو عقلنا مداتلي ختنا جوان قلت ليها لالا حرام منديش معاكم سيئات على ود دخان ختنا وهيا تبقا كتجقر فيا لا والو بغينا ندوزو ليلة زوينة وبحال شحال هادي غير نترة لولا صافي فقدتهم عندهم حشيش دياال بصح خليني من طابة ديالنا مفقتش حتال لغد ليه لقيت راسي ضارب بينوار ديال ختنا منو للحمي وناعس فالأرض غادي لحمام باغي نحل لباب كيبانو ليا ظفاري فلوردي ناريييييي شرف ورجولة ضاعو صافي غير ندوز موس على روحي صباعي كاملين حتى من رجليا كنقلب على خياتنا ملقيتهمش فدار صونيتلها وهيا تجاوبني غير جاوبتا بديت كنسب فيها وتخايل معايا واقف ببينوار حمر فيه وريدات ومقاد مع شرجم كيطل على شارع وكنعرعر عليها سولتها فيناهيا مجاوباتنيش قالت ليا نتا هادشي كامل درتيه غير على ود ظفران ملي غتعرفنا شنو درنا منعرف شنو غدير. عرفتي باش قالتها قطعات أنا تخلعت أغوتي ناري وليت خايف نشوف لتحت زعما يكونو حيدو ليا شي لعبة كلشي فبلاصتو كيما خليتو ناري دخلني شك كندوش باش نخرج نمشي لعند شي طبيب يقلبنا اللهم نتشوهو مع طبيب ولا نوليو نادمين من هنا لقدام يلاه كنبدل فحوايجي وهو يوصلني مساج هاد لمرة من عند نوح كيباليا لمساج فيه غير تصويرا مزال مشفتهاش بحالا علمني الله غتكون شي تصويرا ديالي فشي حالة ماشي تال لهيه لبارح وداكشي لي كين خونا مكتب عليها والو صافي لا تعليق أنا لي خاص نهضر قلت ليه مفهمتش كيفاش شنو هاد ضحك قاليا هانتا قلتيها هادشي غير ضحك كنضحكو معاك وصلوني بزااف ديال تصاور بحال هادي وشي فيديوهات أه ونمرة كتبدا ب(212+) معرفتش واش نخلي ماليها حتى هوما يضحكو معانا ولالا نبقاو نضحكو غير بيناتنا. خونا عندو نمرة والديا ريق صافي وحل ليا مبقيتش عارف شنو نقول هادشي لي كانت كتقصد ختنى ب "ملي غتعرفنا شنو درنا منعرف شنو غدير" بروجولا صرعوني داوي معاه وكنفكر نخرج لعند لبوليس هادا راه تهديد ولكن نخاف نخرج معاه للعيب يولي مصيفط تصاور لدار ولا شي واحد فصحابو بقيت داير معاه لخاطر قلت ليه دبا شنو؟ قالي بحال ديما عشيا نشوفك فلصال أه ومسح نمرة كريستينا متعاودش تعيط ليها. وهادي تخويرة سانك سانك سيد باينا باغيني نرجع نخدم معاه وهاد لمرة موحال واش يعطيني شي ريال سيد يقدر يخرجلي على حياتي بمساج واحد لواليد إلا شاف ديك تصويرا يقدر يسكتليه لقلب.. دخلت للبيت لي كنت عاطي لختنا لقيت حوايجها مكبنينش خلات لبينوار لي صبحت فيه لا غير يمكن غير ملقاتش كيفاش دوز ليه تحيدولي خافتني لا نفيق ركابي خواو وابلااان هو ضارني راسي دبا غير واش كانت ناويا على هادشي من نهار حات ولا مورا ما جات عاد طاحت عليهم هاد لخطة شيطانية شيطان ومطيحش عليه بصراحة حتى أنا بغل مدرت فيها ميصلاح دبا عندهم تصاور خداو نمرة دارنا من تيليفوني صافي مبقا عندي مندير منغير أنني نطير لدارنا نشد تيليفون لواليدة ولواليد نخبطهم مع الأرض ونهرس لاكارطات بارك كنخمم واش نضحك ولا نبكي وهيا تباليا واحد لقريعة صغيرة حداها قطن ختنا خلاتلي باش نحيد صباغة بنت لعبد شيطانة ولكن بضمير بارك تنحيد فديك صباغة داك نهار معمرو يتنسى حتى قاديت أموري وبديت عايش مزيان شوف فين وليت دموع دموع كنمسح فصباغة وكنضرب على تصويرة وكنهرنط وا فكها يامن وحلتيها رجولة صافي راحت فكلام فاحش معرفتش شنو كانو دايرين ليا فداكشي لي كميت تا صدقلهم هاد بلان دليهود مبقيتش عاقل على قرايتي ولا خدمتي والو غير بارك فبلاصتي وتنفكر لخاطر دلماكلا مبقاتش. دار معايا فديك لعشيا غنتلاقاو فلصال أنا غادي وداير فبالي غنهضرو بالعقل نفكو لمشكل غير وصلت وقف قدامي مصبرتش ردوني مكلخ قلبولي لقفة على راسي معمري تصيدت بحال هاكدا، كيف وقفت أنا وياه وبدا كيضحك معقلتش على راسي تا طيحتو وكندخل ليه خونا غير كيضحك مخليني كنضربو محبسش ضحك جروني عليه دراري بزز وهو يوقف قاليا تبعني تبعني لبيرو داكشي لي درت دخلنا لتما خونا حابس ضحكة غير بزز قاليا برك برك برد شويا بديت تنسب فيه ما شي فعايل ديال رجال تاني مرة كتضحك عليا لمرة لولا تسببتي ليا فقتلة ديال لعصا ودابا فضيحة.. سيد مزال عندو لوجه لي بهضر معايا ويشوف فيا قاليا دبا سير بدل حوايجك غتلقا شي حوايج زايدين فلحمام عندنا بزااف دلخدمة.. بقيت بارك فبلاصتي وتنشوف فيه نوح راه مغاديش نتحرك عندي خدمة وقراية وقتي عامر منقدرش نرجع لخدمتي معاك داكشي ماشي ديالي منقدرش نمشي كل نهار للمدرسة بوجهي مضروب شنو غنقول لبنادم والإدارة ودارنا كيعيطولي فيديو ديما. خونا وهو يحيد لوجه ديال ضحك وخدم ديال لمعقول قاليا ياسين كنعرفك من ليامات لولا لي جيتي هنا هادشي علاش كنضحك معاك حتال دبا واش سرباي عندك هيا لخدمة داكشي لي كتربحو فسيمانة معاهم كنتي كتاخدو معايا فليلة أنا درت غلط شحال هادي فاش ديتك لتما وأنا عارف داك سيد غادي يضربك ومتقدرش عليه طمع ومعرفتش راسي شنو قاليا ديك ساعة دبا بغيت نرجعو كيف كنا وترجع حتى نتا لخدمتك هاد تصاور ولفيديوهات ديرهم غير سبب نهار غتكمل قرايتك وتبغي ترجع غادي نمسحهم قدامك كما قلتلك صباح راه غير كنضحكو بيناتنا.. هضرتو كلها كتدخل من ودن وتخرج من الأخرة مغاديش نعاود نتيق غادي نلعب معاه فهادشي ديالو حتى نشوف شي حل قلت ليه بلي ليلة مغادي نمشي معاه لحتى بلاصة ممساليش خاصني نمشي ندير حل لسيدة لي خدام معاها هادي هيا لمرة تانية لي غادي نرجع للخدمة ونهرب تاني غنولي نبان ليها برهووش. بقا ساكت شويا قاليا راحتك هيا لولا سير خود راحتك غدا حتى تسالي قرايتك وأجي. خارج وكنفكر لديك سيدة فشي قصة باش منبقاش خدام عندها وصلت لدار بدلت حوايجي وخرجت مزال صايم داك نهار وصلت تما عاد درت واحد ساندويش فطريق وصلت قاليا واحد راس خربق لماكلا ديال طوابل رونها ديك ساعة غادي تجري علك بزز منها ولكن لا مجاتش نخرج ليها على لكليان صافي غنمشي نهضر معاها وصافي مشيت عندها قلت ليها خالتي راه مغاديش نجي غدا ويمكن مبقيتش غنجي قالت ليا علاش ياك مكين باس؟ قلت ليها والو غير لوقت مبقاش عندي وخدام فلمدرسة تاهيا ولإمتحانات قربو و.. قالتلي صافي سير خود سيمانة شهر حتى تقاد أمورك ومتحاناتك ورجع هاد لباب غيبقا ديما محلول لك.. مبغيتش نزيد نهضر تولي شاكة فشي حاجة قلت ليها شكرا عارف لي كاين وكملت ديك ليلة عادي خلصاتني فلخر غادي خارج قلت ليها عنداك تقولي للواليدة على لكسيدة لي وقعاتلي شحال هادي جاوباتني لا متخافش مالي حماقيت إلا عاودتلها غادي نخلعها وهيا بعيدة. رجعت لدار مبغاش يديني نعاس كنحس براسي واحل فشي تران كيجيب بيا نفس دورة كل مرة كنقاد أموري كنبدا عايش مرتاح كتخرج شي لعبة من جنب كتقلب كلشي هادشي مكانش فاش كنت حدا دار توحشت دوك الأيام مكنعرف غير ماكلتي موجودة فراشي مكنجمعوش ومرتااح فدماغي كنت كندير بزااف دلحوايج مبقيتش لاقي ليهم لوقت دبا فين هيا لفراجة فسيريات ولأنيم ولكتوبا و أحمم لمهم متكي تنخمم قبل ميديني نعاس وهو يصوني تيليفوني نمرة غريبة عليا معرفتهاش جاوبت بشكون هدا مع مع معنديش لوقت لي نضيع درية وهيا تقولي واقيلا معيطالك فوقت ماشي حتال لهيه سمحلي، من صوتها عرفتها بنت لحية قلت ليها لالا نتي لي سمحيلي مع كنت فلخدمة واليوم عيان معارفش شنو كنقول سفا بعدا؟ قالتلي لحمد لله خديت نمرتك من عند واحد لولد عندك فلقسم خلعتينا علك علاش مجيتيش مكين باس؟ لمغاربة دلمرض قولي خلعتيني علك علاش دينا خلعتينا طبعا هادشي قلتو غير فخاطري فلواقع قلت ليها والو باس غير مساليتش كانت عندي شي خدمة وصافي غدا غادي نكون تما غادي نعوضو لحصة دلبارح صافي بقينا داوين شويا درنا باش نتلاقاو نتغداو بزوج لغد ليه وقطعات. أنا راه كنقلب على خلا دار شري مزال مبغيتش نحشم هاد درية تاهيا غنبقى ندور بيها حتى يولي باها شاري معايا شي صداع. لغد ليه فقت كنفيني فدوك ظفيرات عندي كنتأكد بلي مبقاش الأتر عاد خرجت مشيت لتما صونيتلها دوزنا وقيتا زوينا عاد دخلنا فلعشيا خارجين بزوج واقفين بزوج قدام لباب تنهضرو وهو يوقف باها طلعات فطوموبيل وهويقولي طلع نوصلك معانا معاودتهاش أصلا معطل وخاصني نمشي لصال.. سيد وليت حشمان منو فينما يجي يلقاني واقف مع بنتو أنا نكون فبلاصتو ندور فيا خونا بالعكس كيتبسم قاليا ياسين تجي تعشا معانا ليلة؟ قلت ليه لا أعمي عندي خدمة مرة أخرى إن شاء الله قالي صافي ان شاء لله وصلوني معاهم ومشاو يلاه بدلت حوايجي وخرجت لعند نوح لقيتو كيتسنا فيا فلصال ديالو بقينا تما شويا عاد تحركنا أنا مهضرتش لا فلصال لا فطريق وصلنا لديك لبلاصة غادين داخلين قاليا طلق وجهك شويا متبقاش معصب ولا غادي تاكل شي قتلة تاني قلت ليه مسوقكش فيا نتا دير خدمتك وأنا غندير خدمتي ممحتاجينش نهضرو بزاف ولا نمتلو على بعضياتنا بحالا مواقع والو. سيد بقا ساكت واحد شويا قاليا وخا.. دخلنا لتما باش وصلنا دخلت لديك لبلاصة كنتسنا شي واحد يدخل يلعب معايا مباغيش نتسنا لي جا مرحبا خاصني شي حاجة نبرد فيها غدايدي واحد لمسخوط لوالدين دخل مبينو وبين داكشي غير لخير ولإحسان محاولش حتى يخبي وجهو ضربة لولا عرفت راسي هرستليه نيفو لقاني ماشي فنهاري مخليتوش يطيح فراحتو درت ليه نفس داكشي لي دارليا شحال هادي صافي سالينا كنقلب على لقبية ديالي نلبس حوايجي وهو يقولي نوح ياسين مزال لحال خلينا نضوبلوها هاد ليلة صاحب هاد لي ضربتي باغي يلعب معاك مهضرتش رجعت لبلاصتي كنقول ياربي يكون شي واحد مقود فريو يضربني أنا خاصني لعصا نوح قربلي لودني قاليا وخا تكون تقدر تطيحو متزربش عليه لعب معاه شويا متخلعش بنادم باش دبما تلقا لي يلعب معاك. خونا دخل سيد غليض شويا ولكن باينا فوجهو قبيح وطويل عليا قلت غادي نخليه يضربني شويا سيد حطلي وااحد ديريكت بليسرية صدمني فرتك ليا حاجبي على بونة كنت غنطيح كيقولوها عندنا لعود لي تحكرو يعميك سيد كينفضني ماشي كيضربني أنا خايف غير على وجهي بزز باش طيحتو غادين فكريق أنا داير لكيت فودنيا وشاد واحد لبلاستيكا دتلج على حاجبي كنسمع نوح كيهضر معايا وداير بحالا مكنسمعوش وهو يجر لكيت حيدهم قاليا عارفك كتسمعني هضر معايا مغاديش نزيدو لقدام إلا بقينا مكنهضروش ومتعاوناش بزوج قلت ليه بلاما نمتلو على بعضياتنا معمري غننسا لك هادشي لي درتي معايا نتا راه صحكتي عليا زوج مرات.. بقا طريق كلها طالقها عليا راك عزيز عليا بحال خويا صغير ومعمري غادي ندير شي حاجة تقلقك تاني تصاورك ديرهم بحالا مكينينش مغادي يعاود يشوفهم حتى واحد أنا مبقيتش غادي نشوفهم حتال نهار لي غادي نرجعو بحال لول ومنبقاش محتاجهم ديك ساعة غادي نمسحهم ونعطيك تيليفون لي كانو فيه كاع باش تتأكد.. قربني للعمارة ووقف عطاني فلوسي قاليا رتاح مزيان نشوفك غدا. سديت لباب غادي لباب دلعمارة مع دورة دشارع كتباليا طوموبيل دلحية واقفا قدام لباب دلعمارة لي ساكن فيها سيد كيتسناني فهاد لوقت؟؟ لخلعة سيد فاش غادي يكون باغيني وشنو لحاجة لي تخليه يتسناني تال هاد لوقت ولمشكلة أنه باينا فيا كنت مطايف وضربة فحاجبي باينة غيبدا يسول فيا مالك وفين وأنا منقدرش نقول ليه باغي نخلي ديك صورة زوينة ديال دري نقي لي جاي يقرى وخدام بما يرضي الله.. ضربة دورة عالمية لباب تاني طلعت لدار غسلت وجهي طليت تيباليا مزال كيتسناني ضربت كاسكيطة هبطتها على عينيا شويا وقبية فوقها عاد نزلت خرجت من نفس لباب زعما راه يلاه جاي درت براسي مشفتوش غادي قاصد لباب وهو يعيطلي قاليا ياسين ولدي سلام..سلمت عليه وعرضتو يطلع لدار معاودش معايا لهضرة طالعين وداوين قاليا كتعطل بزااف فلخدمة وطريق خايبة رد بالك ولا بدل لخدمة أخرى.. أنا داير فيها ضريف وصباار راه نسيب هدا إلا مصبغتوش شكون غنصبغ دخلنا لدار قلت ليه شعل تلفازا ورتاح دخلت للكوزينة عصرت ليه واحد لقهوة دايزها لكلام عاد بركنا بدا كيسول فيا بشحال كاري و واش كين صداع فهاد لعمارة أنا كنجاوب ومعارفوش لاش باغي يوصل وهو يسولني تاني واش مساكن معايا حتى واحد و واش كيجيو عندي صحابي ولا صحابات فلبلاصة جاوبتو أححم ألا أعمي حنا ماشي ديال داكشي كنحشمو حنا لمدرسة لخدمة دار معنديش تا لوقت.. قاليا إوا غادي نطلبك واحد طليبة ومتقولش ليا لا واحد لولد من لعائلة غادي يجي هاد الأيام عندو شي خدمة هنا وموصيني باه عليه نشوفلو فين يبقى وأنا عارفو برهوش شويا ومنقدرش نخليه معايا فدار كنخرج للخدمة كنتعطل وراك عارف مجاتش نخليه مع لمدام وآية، قلت زعما نسولك واش تقدر تخليه يبقى معاك غادي تعاونو بيناتكم ودراري غتفاهمو ونتا تبارك الله بعقلك غادي نرتاح من جيهتو إلا كان معاك.. أنا؟ بعقلي؟؟ سيد غاالط فيا، كنت غادي نقوليه يسمح ليا باغي نبقى بوحدي واحد راحتي هكدا ولكن سيد قصدني وشحال وهو كيتسناني مجاتش نبان برهوش قدامو ونصغر بيه قلت ليه كلمتك هيا لكبيرة وملي من جهتك مرحبا وقتما جا أححح طلعت كنفهم فصواب. قاليا ماشي بزاف باش عرفتك ولكن كنت متأكد بلي مغترجعنيش لله يرضي علك فاش غيكون جاي غادي نعلمك نمرتك عند آية ياك قلتلو أه وهبطت معاه لطوموبيل حتى مشى كنفهمو حنا فصواب.. حتى طلعت لدار عاد تنادم معايا لحال تفوو أنا شنو داني نقول أه أنا مكنكونش فدار بزاف وحوايجي هنا وزيد بسباب هاد لخدمة مع نوح ديما كنرجع معطل وحالتي حالة سيد غيشوفني يقدر يشريلي صداع مع لحية هو راه مسوق حتى واحد فيهم فيا ولكن بروجولة عاجباني بنتو و واخد علية صورة زوينة حتال دبا هو وعائلتو مبغيتش نخصرها.. لمهم نخلي هاد لمشكلة حتال وقتها دبا وقت نوح وهادشي لي واقع ليا معاه ديك ليلة نعست معقلتش على راسي حتال لغد ليه فصباح يلاه خارج من دوش سمعت دقان خونا جايب فطور وقهوة مفهمت والو بركنا هو كياكل وأنا كنشوف فيه قاليا مالك واش ضروري نعرض علك؟ قلت ليه حلفت منبقا ناكل شي حاجة من جهتك مورا ديك ليلة. بدا كيحلف عليا واش منيتك انا راه كناكل معاك من نفس طابلة.. بقا داوي مقديتش نبقا معكس فطرنا سولني فين غادي قلت ليه لمدرسة وهو يوصلني خونا باغي يتصالح معايا وصافي غنزيد نتبعصص شويا عليه وموراها غادي نقوليه إلا بغيتي نيت نتصالحو ونسمحلك مسح دوك تصاور ولفيديوهات ديك ساعة ملي غيمسحهم غادي تكون هضرة أخرة غادي ندمو على نهار لي عرفني فيه. لمهم دخلت قريت شويا ضربة دلبارح صابحا شويا تاواحد مجرى معاها حتى تلاقيت بديك بنت ناس غير شافت كمارتي بدات ناري مالك فوجهك؟ قلت ليها والو غير طحت من فوق سرير.. هاد لأيام لي جايا خاصني نفكر فبزااف من هاد لكدبات لمهم كملت لحصة لي عندي معاهم خارجين وهيا تسولني واش مسالي حيت باها مزال مغاديش يجي واحد ساعتين أخرين وباغا تبدل تبدل لجو لقاتني تانا محتااج نبدل لجو مشينا لواحد ريسطو على لأقل مستافد مع داك نوح أنني مبقاش عندي مشكل فلفلوس مدوزين نهار زوين مشيت معاها حتال قدام لباب دلفاك فيك كتسنى باها خليتها وغادي لدار يلاه غندور مع دورة وهو يقوليا واحد راس صافي غتخليها بوحدها معرفتش يوقف عليها شي واحد ولا توقع ليها شي حاجة لا قدر الله وباها مزال مجاش أهيا أش هاد لأفكار وليتي كتخمم ليها بحال باها شنو كاع يقدر يوقع ليها راه قدام لفاك ودنيا عامرة، واقيلا بديت كنربي لكبدة بزز مني رجعت لعندها قالتلب مالك نسيتي شي حاجة؟ قلت ليها لا والو غير تنادم معايا لحال غنتسنى حتى يجي لوالد ديالك عاد نمشي لدارنا. درية زوينة زعما تاخد ديك 7 من 10 ديالها بوجها بلا ماكياج بلا والو ولكن فديك دقيقة دارت واحد ضحكة مديرهاش مولات 10 على 10 ناري لبرائة كون كانت بنادم موراها بقينا صقييل تا واحد فينا مهضر حتى وقف باها قاليا ياسين نوصلك معانا؟ قلت ليه لا مرة أخرى دبا باغي ناخد شي تقديا فطريقي وشي حوايج من لمصبنة. مشاو وأنا نتحرك تانا لدار أهيا واقيلا هاد لمرة دبصح طحتي فشبكة هادشي مموالفاش ليا ناريي غنولي رطيطب تانا وغنبدا نشري نونوسات حمرين مكتوبا فيهم (i love u) حتى كبرت يا ربي متشوهناش عطينا شي موتة مستورة.. مشيت لدار يلاه بدلت حوايجي تاني وخرجت لصال نوح كيتسناني غير كنشوفو كنجمع ضحكة ولهضرة كنحسسو بلي غادي بروبو ماشي بنادم حيت هادشي لي باغي هو.. وصلنا لتما بغيت ننزل وهو يقولي صبر جبد واحد تيليفون أنا من شوفة لولا عرفتو ديال عشيرتو هو لي صوراتني بيه.. خونا قدامي دخل لتصاور وراهم ليا ومسحهم يلاه غنقوليه واش كينين غير فهاد تيليفون؟ قاليا صافي رتاحيتي هانا هنيتك منها دبا مبقاوش عندها مزال عندي غير أنا وأنا كما قلتلك مغاديش نغدرك. مزال مكملهاش جريت ليه تيليفونها وتيليفونو حاطو فوق طابلو هبطت وأنا نخبطهم مع الأرض شخشختهم مزيااان برجليا وضربتهم طاحو فروڭار بزوج يلاه غنبدا نسب ليه فلعروق ونرجع لدار مرتاح وهو يبدا يضحك وجبد تيلي أخر من جيبو قاليا كنت عارفك غتدير شي حاجة بحال هكدا تصاور مزال عندي هنا وفكارت ميموار فدار. صدمني مبقيتش عارف شنو نقول هههههه ناري على فرشة قاليا متبقاش واقف مصمر زيد ندخلو ليوم غادي تخلص لكريستي تيليفون جديد فبلاصة لي هرستي أما أنا مسامحلك أصلا عندي ضوبل. داخلين وكيضحااااك عليا، ديك ليلة دازت زوينة من غير هاد لبلان دتيليفون بعدا راه متضربتش فوجهي وليت بحال شي درية ويلي وجهي لا هههه دبصح خايف على كمارتي زوينة من نهارها مفينا لي يزيدها شي ديكور وباش حتى ملي نرجع لدار لواليد ولواليدة ميبانش ليهم بلي شي حاجة مبدلا. تقريبا واحد زوج سيمانات نفس روتين تقريبا كل نهار نمشي لفاك نقرا نتلاقا بآية نخرجو نوصلها فين كتسنا باها يا نبقى معاها حتى يوصلوني معاهم ولا نبقى حاضيهم تا يمشيو من نفس لقهوة نرجع لدار يلاه نبدل نخرج لصال لعند نوح سيمانتين كل ليلة ومعامن لاعب معرفتش واش أنا لي مقود ولا الله كيحطني غير مع وحدين نقد عليهم. مورا ديك سيمانتين عرضني لحية للعشا بقا كيحلف عليا وخا قلت ليه بلي عندي خدمة قالي خود ليلة راحة راه بزاف علك.. من واحد ناحية عندو لحق خاصني نرتاح شويا إلا بقيت تابع نوح وخا نبقى هنا 20 عام معمرو غيقوليا برك رتاح، عيطتليه قلت ليه ليلة مغاديش نمشي عندي ميدار وباغي نرتاح.. بقا ساكت شويا عاد قاليا وخا صافي بعد غدا ونتلاقاو. ديك ليلة مشيت لعند دار آية دخلوني باركين وهو يقولي باها بلي داك لولد لي عاودلي عليه غادي يجي من هنا شي يوماين واش مزال مكين حتى مشكل يبقى معايا؟ قلت ليه عطيتك كلمة صافي وقتما جا مرحبا. شوف هاد خونا تاهو كيفاش داير فعقليتو على ما عاود ليا سيد حتال دبا راه برهوش إلا دار معايا شي بلان مغاديش نعقل عليه غنشير بيه هو وحوايجو من شرجم. ودازو دوك ليوماين بحال زوج دقايق حتى عيطلي لحية قاليا دري راه وصل معايا دبا غنمشيو يبرك معايا واحد ساعة فدار ناكلو شي حاجة وغنجيبو لعندك نتا غير فدار ياك؟ قلت ليه أه مرحبا بزز مكرهتش كون رجعت بالوقت شويا ونقول ليه لا أنا راه ولفت صقيل كنشعل ضو نطفيه وقتما بغيت نطيب منطيبش عندي زايد ناقص ماشي بحال معاك شريك فدار محسيتش بالوقت مزال بارك فنفس لبلاصة شاد تيليفون وكنتفرج حتى بداو كيدقو فلباب وصل خوتنا وصلو بزربة هاد نسيب المستقبلي عندي طلع باغي غير يتهنى من دري جابو لعندي طيارة، لمهم حليت ليهم لباب سلمت عليهم كيباليا دري ضريف ولكن منتيقش معمري غنعاود نحكم على بنادم وندير تقة وأنا مزال محليتش حتى حريرة دوك تصاور. سيد غير جاب دري وبغا يمشي قلت ليه بقى تشرب شي حاجة جاوبني بلي عندو شي خدمة وخاصو يرجع لتما بزربة قالي منبعد ونهضرو. خرج بقيت أنا وخونا سلام سلام تعارفنا منين جاي شنو كنتي كدير.. وصلات لوقيتا ديال لصال بدلت حوايجي غادي خارج مشيت لعندو بعدا دويت معاه تلاجة عامرا كلشي كين فدار عطيتو نمرتي باش حتى إلا وقعات شي حاجة يعيطلي كنفهمو فصواب حنا، خرجت وديك ليلة لي زعما راد لبال مع وجهي كتر ومخبيه عاد كليتها فحاجبي مجيت فين نخرج ونطلع مع نوح حتى تنفخات ديك لبلاصة وبدات كتزراق وصلنا لدار قاليا صبر معرفتش علاش كيقبل فطوموبيل بقيت كنتسنى شويا وهو يهبط هاز فيديه زيزوار خلعني شنو غدير بهدا؟؟ قاليا دم مجموعلك تما غادي يخصها وقت باش تبرى فايتلي تضربت بحال هكدا غادي نحلها باش تتفش.. تحلها؟؟ راه عيني هادي أولد لحاجة. بقا كيجر فيا قاليا جرحة رقيقة مغتبانش، صافي خليتو هو كيعرف حسن مني تانا مبغيتش ندخل لدار وعيني مسدودة. غدا منعرف كيفاش تصبح تاني إلا بقات هكدا.. دوز ديك زيزوار جرحة صغيرة بحال رحمة ربي بدا داكشي كيخرج شاد عليها فوطة غادي طالع وهو يتبعني قلت ليه فين غادي سير حتال غدا قالي نخليك هكدا ونمشي لالا ميمكنش غنطلع معاك شويا. بقيت كنشوف فيه واش عندك انفصام شخصية ولا غير كتضحك عليا نتا كتهدد فمي بتصاور وبلي غتشوهني وفنفس لوقت كتمتل عليا بلي خايف عليا حرت معاك شد وجه واحد.. بقا لاصقني قلت ليه عندي ناس معايا فدار مبغيتهمش يعرفوني فاش خدام قاليا وخا لي بغيني ومشى.. طلعت لدار لقيت دري لي معايا ناعس غيكون عيان من سفر تانا غسلت وجهي داويت ديك جرحة ونعست لغد ليه فايق على صوت دقان فباب بيتي بكريي فايق مڭلوب أول حاجة قلتها هيا خليني ناعس غي واحد شويا، دري كيحساب ليه داوي معاه أنا راه عند بالي داوي مع لواليدة دازت واحد دقيقة عاد عقلت على راسي خرجت لقيتو بارك تيفطر هادشي علاش كان كيدق عليا.. لركنا كنفطرو شاف لفاصمة فعيني وهو يسولني كيفاش وقعلك قلت ليه غير طحت على طابلا فلخدمة ماشي شي حاجة بقينا باركين شويا كنهضرو عاد خرجت قاري ديك ساعة دخلت معامن كنتلاقا فلباب لمدير تاهو سولني عطيتو نفس لكدبة قاليا رد بالك وبقا كيسول فيا شويا على دراري لي خدام معاهم واش غادين مزيان ولالا. صافي خليتو دخلت لحصة لي عندي بارك غير كنرتاح وليت كنمشي نرتاح ماشي نقرى تما وهيا تبرك حدايا آية ماشي لحصة ديالها هادي صباح لخير صباح الخير طبعا تاهيا غتسولني على عيني ومغاديش تيق بالكدبة لي من صباح وأنا نعاود فيها قالت ليا طيحاتك وزلقاتك بداو كيكترو خاصك ترد لبال شويا.. باركين تنهضرو نسينا راسنا حنا فين ولمشكل كنهضرو بدارجة محسيت حتى لقيت كلشي كيشوف فينا حتى من لأستاذ قاليا سمحليا واش قاطعناكم نخرجو حتى تساليو؟بديت كنضحك معاهم تانا وصافي قمعة خيبة اللهم تقلبها ضحك قلت ليه سمح ليا كملنا لحصة خرجنا لديك لقاعة أنا وياها باركين كنتسناو فدوك الأخرين يجيو وهيا تعيط لواليدة فديك دقيقة وفيديو شحال مشفتها وخا مضروب فوجهي منقدرش نقطع عليها جاوبتها كيف شافتني بدات كتسول تاهيا قلت ليه غير طابلا قالتلي وخا حيد لفاصما و وريني نشوف كيف دايرا.. لواليدة مغاديش ندوزها عليها خدمتها هادي كان خاصني نبدل لموضوع قلت ليها وصافي دبا باغي نعرفك بواحد لبنت.. درية صدمتها وجها تبدل ليه لون بدات كتدور فراسها يمين وشمال وااابنت ناس علامن كتقلبي راه كين غير أنا ونتي هنا. لواليدة عندي وخا قارية وكلشي راه (old school) وكتفهم فصواب خليتهم كيهدرو بزوج هاح فلت منها هاد لمرة لحاجة لوحيدة لي تقدر تلف لواليدة شويا على وجهي هيا هادي بداو دراري كيدخلو لقاعة قلت للواليدة خاصني نقطع حتال من بعد ونهضرو.. خرجنا بحال ديما كنتسناو باها حتى جا ناريييي تاهو بدا يسول برب ويسولني شي واحد أخر حتى نوضها معاه مرضوني،داني معاهم لدار عرض عليا مقديتش نقول لا أصلا كنت معول مغاديش نمشي مع نوح ديك ليلة حتى تبرالي عيني شويا مباغيش نزيد عليها. كتبت ليه مساج وطفيت تيليفون موراها بالخف دوزت ديك لعشيا معاهم موصلني باها فليل لدار وكيشكر فيا وكيوصي فيا حضي راسك وإلا حتاجيتي فلوس جي عندي متحمش مني دير بحالا باك هنا. كيفاش لواليد؟؟ لا أسيدي من هادي غتولي تقوليا بنتي بحال ختك ونولي فشد ليا نقطعلك طبعا هادشي غير فخاطري فديك لحضة لدار كتباليا طوموبيل ديال نوح محطوطة تما ومكينش فيها 100% غيكون طالع لفوق نزلت بزربا نطلع نشوفو شنو كيدير وشنو كيقول لدري لي معايا لحية تابعني فدروج قاليا غنطلع نشوف حميد كيفاش داير قبل منمشي.. وحصلااا هادي تنحل لباب ويديا كيلعبو صافي نسوبيا راحت فكلام فاحش نوح غيشوهني مع ناس هادشي إلا مكانش دبا أصلا وراا تصاوري لدري لي فدار، حليت لباب لقيتهم باركين بزوج وكيضحكوو.. سلم على لحية وهو يشوف فيا مغتعرفناش؟؟ قلت ليه هدا نوح صاحبي.. باركين ب4 وصقييل ياكما هدا هو الهدوء لي كيسبق لعاصفة يديا عرقو نوح وهو يسولني كيف بقات عيني قلت ليه بيخير ياك بعدا طابلا متهرتش؟ بقا كيشووف فيا عاد فهمها قاليا أااه أه خاصك تحضي مع لأرض فاش تكون يلاه مغسولا. خرجت أنا ونوح وبات لبنت وصلناه هو بعدا لطوموبيل ديالو غير طلع تحرك وأنا ندور فنوح واش نتا مريض تجي لدار بلاما تعلمني باغي دير ليا شي مشكل من غير ل1000 لي ديجا دايرلي قلتلك ليوم مغنجيش هيا خليني نرتاح.. كنغوت عليه تما طلعت عيني تيباليا لولد لي معايا فدار تيطل طالق ودنو بقيت كنشووف فيه حتى مرڭ ودخل راسو. نوح جاوبني ياسين جيت غير نشوفك واش بيخير ولالا وكيف بقات عينك. بقيت كنشووف فيه والله حتى مريض هاد ساط فدماغو ميمكنش يكونو هاد زوج وجوه عند بنادم طبيعي. سيد كيباليا ماشي لخاطرو بردت معاه قلت ليه بيخير غدا غنكون معاك دبا غنطلع نرتاح ممكن؟ خلاني وتحرك طلعت تانا لدار نرتاح هاد لعام معمري غندوز بحالو فحياتي إلا ممتش فيه معمري غنموت أنا وليت كنتصدم فاش كنفيق صباح عادي بحالي بحال بنادم يمكن دعاوي لواليدة مستجابين عارفها كدعي معايا لمهم داك نهار أول مرة غنهضر مع ديك بنت ناس بحال شي كوبل وشدينا فيدين بعضياتنا صافي نهار دايز زوين قلت ليلة غتوقعلي شي حاجة انا راه وليت حافظ زهري إلا دار معايا لمزيان بنهار كينعس ويخليني بليل ولعكس تاني لمهم مشينا باش داخل واقف تما شكوون كيدخل معايا داك صلع لي كان مع نوح شحال هادي غير شفت وجهو بداو كيضروني عضومتي تاني عرفتي بلاما نحس لقيت رجليا كيتحكو خرجت من تما مالني معندي عقل نلعب معاه تاني بنادم بدا بديك هوووو وقفت حدا نوح كنتسناه شنو غيقوليا بعدا هاد لمرة مزير لوقفة باش ميحاولش يدفعني تاني.. سيد وهو يحيد جاكيط ديالو مدها ليا قاليا تفرج