لحك وغطاه2

قطعت لقيت داك لأندونيسي كيشووف فيا وطاالق ودنو سولتو بلونغلي واش كيهضر بالعربية قاليا لا غير سلام وشي كلمات.. بقيت دااوي معاه 
ولد مسلم ضريف فايتني بعام هنا وخا كيبان صغيير أنا كنبان بحال باه بلاد دلمرض كبراتنا بلا وقت لمهم داوين وهو يدق داك خونا من لإدارة تاني هاد لمرة جايب واحد ساط بااااينا عربي معروفين من كمامرنا قاليا السلاام عليكم الأخ مغربي؟ خونا من لإدارة جمعنا غا لمسلمين فبيت واحد فمهمتش واش باش ميصدعنا تا واحد ولا لعكس لمهم بقينا حنا ب3 كنقاد فحوايجي فداك لماريو وهو يجي داك لعراقي بدا عليا لعرب ونحمي ضهور بعضينا وديك لهضرة من إمتى وهاد ناس كيحسبونا مع لعرب أخر مرة تحققت كنا أفارقة.. لمهم دراري ضريفين باركين تا كنسمع الأدان من تيليفون لأندونيسي سيد مكيزغلش لوقت طلعو مسلمين كتر من لعرب سالا خرجنا سركلنا كلينا دويت مع لواليدة أبيل فيديو ضرووري نصيفط ليها واحد 100 تصويرة فساعة باقي موحش.. بدينا لقراية من نهار لول بزز باش كنفهم المحاضرات ولكن متخافش كنسلك راسي ولساني مطلوق دري لعربي لمعايا لي شادا فيه ديك لهجة لي مكنحملش فناس دلميدل ايست فاش كيهضرو بلونغلي تفو يكرهوك فكلشي وجا معايا فنفس لفصل مكيتفرقش عليا غادي يخرج ليا على سمعة لي عاد ناوي نبنيها.. هيا هاديك كملات ديك سيمانة وهيا تجي سيدة وصلاتني لمحل ديالهم واحد ريصطو صغير ولكن صارعينو ريحة كتضربك من جهة لأخرى دشارع ميمكنش ندوزو من حدا شي واحد ومتسلمش عليه كلشي كيعرفها تما بزز باش وصلنا لكوزينة قالت لراجلها هانا جبتلك ياسين يعاونك خونا سلم عليا ومدلي طابلية نعتلي واحد طابلة شبعااانة ماعن قاليا غسلهم وقالها بلونغلي وبواحد لهجة كيوت مقديتش نقول لا وخا معمري غسلت كاس فدار لمهم داير لكيت وخداام وهو يعيطلي داك لعراقي قاليا ليلة غنعيطو لبيتزا متعشاش على برى قلت ليه وخا علاش لا مكمل فداكشي لي فيدي ودوك لماعن والو واش كيقلو بالعكس مكنجي فين نحيد طبسيل كيتحطو 3 يلاه غنلوح شرويطة ونفر من تما وهيا توقف عليا سيدة دوات معايا بدارجة قالت ليا ياسين ولدي إلا معجباتكش شي حاجة متحشمش و وقتما بغيتي تمشي سير لقراية وراحتك هوما لولين.. قتلااااتني اخويا صافي شي 4 سوايع وأنا فنفس لوقفة ضهري بدا كيضرني وهو يجي راجلها قالي صافي تقدر تمشي إلا بغيتي حطيت ديك طابليا تما وصلني لشارع نعتلي طوبيس لي غادي يوصلني لحي لجامعي فين ساكن باش نبقا نمشي ونجي فيه قلت ليه شكرا وتحركت فطريق لتما داوي مع لواليدة أبيل فيديو كنوري فيها دنيا تما وكنهضرو لحت ليها وسط لهضرة بلي لقيت واحد لخدمة وشكون خدمني وبلي مغنفوتش 5 سوايع فلول كيحساب ليها واش كنضحك عارفاني معمري خدمت، فاش عرفاتني بصح كنهضر بدات كتعير واش حماقيتي مصيفطينك تقرا ولا تخدم خصاتك شي حاجة؟ شي نص ساعة وأنا غير كنسمع وهيا كتغوت وصلت وواقف عند لباب مباغيش ندخل حتى تكمل وفديك لحضة كيوصل لواليد تما قالت ليه أجي تسمع ولدك شنو كيدير لواليد جاي كيجري معارفش شنو واقع خطفلها تيلي من يديها قاليا شنو واقع؟ عاوتليه لبلان قاليا واش مخلي وقت لقراية واش غادي تلجم؟ قلت ليه ضروري يلاه أول نهار ولكن كيباليا نقدر.. قاليا مزيان تتحك شويا متديش على هضرة مك را مكرهاتش تبقا رابطاك حداها خدم ولكن الأولوية لقراية.. وهو يقطع والله هاد لواليد ممنو جوج فديك لبلاد كين جواد واحد فلمغرب مزوج بطبيبة هو لواليد كيدار ليها الله أعلم معمرهم عاودولي لقصة دلغرام وخا باينا غتكون زاهية.. دخلت عند دراري داك لأندونيسي كيصلي تاني خونا محسسني بلي أنا يهودي قسما بالله ونعم لمسلمين حشمت نسولو واش عندو شي ختو بحالو هكدا ولكن غنستجمع شجاعة ان شاء لله هههه.. ديك ليلة بلايستيشن ولقصوص أنا وداك خونا حتال إنى وقت لغد ليه فيقنا لأندونيسي بزز باش نمشيو ندخلو وبقينا هكدا كل نهار نفس روتين مرة مرة كنخرجو نسركلو فليل لمهم لوقت زوين كيدوز طيارة قربو لإمتحانات بدينا تنوجدو أنا ضروري عندي من شي نقطة زوينة باش نسكت لواليدة ونبين ليها بلي قاد براسي داكشي لي درت فينما يعلقو نتيجة دشي متحان كنصور ونصيفطلها صدمتها أنا صدمتني طلعت دكي غا مضيع راسي لمهم سوميستر لي موراها بدا وعالبدية باركين كناكلو فواحد صال فلجامعة ودنية عاامرا وقيتة لغدا بارك أنا وداك لعراقي فطابلة تيلي فيدي ولكيت ساهي واحد ساعة وهو يخطفلي لكيت من ودني قاليا واش مكتسمعش قلتلك لولد لي معانا فنفس شومبر مطايف على برى.. كنشوف فيه واش كتضحك داك لولد مينوضش دجاجة على بيضها بنادم كيبالي خارج يتفرج هدا عليا خارجين تنجريو نتفرجو باش وصلنا كيبان ليا مطايف مع واحد كبر منو حاكر عليه باغي يبين عليه صحتو ولا منعرف بدون شعور دخلت نفك سيد قدوة ديالي زعما فدين وضريف مقابل قرايتو ماشي ديال لمشاكل حنطتو باش نبعدو من تما لبرهوش لأخر وهو يحط ليه وااحد تصرفيقة صباعو بقاو مطراسين ولمشكلة بحالا أنا لي شديتو ليه طلقت لولد من يدي لله عطف عليا بواحد لكوشية من صغري كتطلق سم هيا لي كنت حاكم بيها ليسي فبلاد سبوعا وتخايل شنو غدير فهاد لقطيط وااحد ديريكت حتى سمعت صباعي طرطقو سيد غيب وليت كنترعد ياكما قتلتو المرض ناري لحبس ينادي ومكينش حتى لي يجيب ليا لقفة.. فاسرناها داك نهار غير بزز كلشي شاهد فالأخر هو لي جابد صداع من لول باركين فلبيت وهو يجي داك لعراقي قاليا أجي تشوف شي واحد صورك قبايلا، تنتفرج فلفيديو هاح تنبان خاسر وخا يدي مزال كتعطيني صداع مقدرتش نخدم داك نهار بسباب ديك ضربة.. داك لفيديو دااع فديك لمدرسة تا وصل لمدير وهو يعاود عيطلي وبقا داوي تاني عندنا قواعد هنا و.. طبخلي راسي ولكن من واحد ناحية عندو لحق أنا كنقلب على صداع زعما حتى بردات لقضية شهور لي فاتو ودرت عقلي زعما غنرجع لمطايفات تاني وبعييد على دار هدا هو لمشكل مكينش لي يفاسر عليا.. رجعت لخدمة لغد ليه وتخايل معايا حتى من سيدة وصلها لفيديو وعرفاتني أنا لي فيه بقات تاهيا طابخالي دماغي بالهضرة دير عقلك وبعد على صداع.. سولتها واش قالتها لواليدة قالتلي لا مبغيتش نخلعها وهيا بعيدة معندها مدير ولكن هادشي إلا تعاود غادي نقولها ليها ونصيفطلها لفيديو متنساش راه موصياني علك ومسؤلية هادي أجي واش ملعقتيهاش فيدك بديك ضربة راه قلت صافي هدا هرس يدو موحال واش يجي شي شهر ولا زوج.. قلت ليها لالا والو يدي مولفا هادشي.. داك لفيديو دار بم أنا قلت صافي غادي يقرقبو عليا لبوليس وجهي باين تما ولكن رضات لواليدن وقف معانا بدات لقضية كتنسا شويا مشيت لعند داك لولد لي ضربت نطلب منو سماحة وخا هو لي دار لغلط ولكن حتانا زدت فيه شويا خونا دويت معاه زوين وبالأدب مجاوبنيش خلاني واقف بلاكة وتحرك.. مورا ما دويت معاه بشي يوماين خارج من لحي لجامعي غادي للخدمة بحال ديما حتى كيباليا خونا واقف حدا طوموبيل هو و واحد زوج غير من وجوهم كيخلعو باش ضربت عليهم مع لخرجة دلباب طياارة تنجري راجع لبيتي لواحد يموت على ولادو ولا بلادو معندي ولاد وماشي بلادي هادي مباغيش نموت وأنا مزال
معمري خلعني شي واحد بحال داك نهار راجع لبيتي درت بناقص من لخدمة خوتنا كيتسناوني فطريق.. دخلت لبيت وهوما يسولوني دراري علاش رجعتي حشمت نقولهم راه مخبي من شي واحد دراري كيشوفو فيا داك لقبيح دلجماعة من نهار ضربة خونا سو مجاوبتهمش.. بارك تنطل من شرجم خوتنا مزال كيتسناو وتعطلت على لخدمة يلاه غنعيط عليهم نعلمهم بلي مجايش وهيا تعيطلي سيدة قالتلي ياسين خرج لعندي أنا قريبة لعندك نوصلك معايا.. هاح على حصلا ديال لكلاب وسيدة كتقولي محتاجيني ليوم لويكاند دلمرض لقضية عامرا وهو يقولي واحد راس أهيا واش برد علك لجو وبردتي فين لقباحا شنو فجهدهم ميديرو قلت ليها صافي وهبطت نفاري لمشكل قبل متجي وباش تالا غلبو عليا توصل هيا تعيط لبوليس ههههه كنفكر بزااف لمهم هزيت صاكي وهبطت قصدتهم مزال فنفس لبلاصة وقفت عليهم كنشوف فلولد لي ضربة وهو يقول لواحد من صحابو هو هدا سيد وهو يجي لعند نيفي صافي أنا كنتسنا شي تصرفيقة تاريخية وهو يمدلي يدو باش يسلم عليا هاح عرفتي على راحة عاد ترخفات فيا نفس شويا خونا عاود سولني واش أنا لي فلفيديو زعما واش ضربت صاحبو قلت ليه أه ولكن راه قلت ليه سمحل. مخلانيش نكملها قالي مسوقيش فيه بغيت نسولك فين كتريني قلت ليه بلي شحاال هادي مدخلت لشي صال من لمغرب بدا كيضحك قالي واش كتضحك هاد لي طيحتي راه مني كنعقل عليه وهو كيتريني.. عرفتي كبرلي لأنا ديك ساعة بالدارجة تحلاات أخويا كنتسناه يقولي فاش باغيني طبعا مغاديش يجي حتال عندي لهنا باش يضحك على صاحبو.. وهو يقولي داير واحد الحفلة صغيرة أنا و صحابي ليلة واش تجي؟ قلت ليه لا خدام ليلة.. سيد وهو يحطلي يدو على كتفي بحالا كيعرفني من شحاال وقاليا عيش متبقاش غا لخدمة لخدمة ولقراية نتا مزال صغير هاك هاد لكارط فيها لعنوان ديالي إلا بغيتي تجي وحتى ونمرتي عندك هنا.. يلاه تحرك هو وصحابو وهيا توقف سيدة باش توصلني كون شافتهم مشكل تاني شكون وفين ومنين عرفتيهم مخلي لواليدة لهيه لقيت نائبة ديالها هنا.. غادين للخدمة وكنفكر واش نمشي ولالا مكرهتش نبدل روتين شويا ولكن منمشيش بوحدي خاص نجر شي واحد معايا صيفطت مساج لداك لعراقي سيد ملي قلتها ليه وهو يبدل أول مرة نخرجو لشي سواري من نهار جينا هيا صراحة راه أول مرة يعرضنا شي واحد كيخافو منا ولا منعرف.. لمهم كملت لخدمة رجعت بزربا بدلت وخرجنا وخا عياان غادي وماشي غير على ود نبدل لجو وصافي سيد لي عارض عليا باغي يقولي شي حاجة ومزال مزعمش حاس بيه أنا 100% هادشي علاش عرضني.. دخلنا لديك دار لقضية زاهية خمور خونا لي مدي معايا فايتلو شارب شادو على شراب غي بزز مفيا لي يبدا يجر فيه فليل وشوهة وأنا عياان.. واقفين تنشربو لموناضة حلال وتنسقيو عينينا وهو يجي عندنا داك خونا قاليا كنت عارفك غتجي قبيلا مهضرناش مزيان مدلي يدو قالي نوح خونا سميتو مكتسمعهاش كل نهار تما قلت ليه سميتي واقفين تنهضرو تنعاودلو على طفولة دلمرض ولصال لي كنت فيه وهيا تعنقو وااحد خيتي بدون شعور شفت فلولد لي معايا ديك شوفة ديال والعدااااو واش شفتي لحريم كيف دايرين.. وفتلك لحضة كتهدر معايا أنا كنت شاك واش كنبانو بعدا لبنات لي طالع رانك ديالهم على 8.5/10 بالصدمة بديت داوي بدارجة قلت ليها هاه معايا؟ لفرشة غي نغزني سيد تا عيق عشيرها سكران غادي ياكلنا بلا ملح.. سولاتني واش نتا هو لولد من لفيديو قلت ليها ياسين هو هدا وهيا تشوف فعشيرها قالت ليه كنت عارفاك غادي تجيبو وبدات كتبوس فيه طبعا أنا ودري لي معايا كنحاولو منشوفوش هول لقطة يقدر يدير لينا شي فضيحة دراري مزال عزارا.. لمهم ناس ولات كتباس على ودي أنا وليت شاك فراسي مشهور وأنا معلاباليش سولتهم كيفاش واش كنتو تتهضرو عليا؟ وهيا تنعتلي واحد تلفازا كبيرة فصالون لي مجموع فيه بنادم قالتلي بلي شي واحد خدم لفيديو ديالي تما وبقاو كيعادو فيه ليلة كاملا زعما مطلعينها على لي ضربة حيت صاحبهم وفمو كبير مكيسكتش وداك نوح تخاطر معاهم بلي غيجيبني.. داوين تنضحكو حتى تيصوني تيليفوني أنا قلت غير لأندونيسي تيعيط حيت تعطلنا ولا سيدة لي خدام معاها تا كتبانلي نمرة لواليد ولوقت معطاااال ديال بصح قلت صافي وقعات شي حاجة قلتلهم سمحولي وخارج تنجري لشارع بعدت على لمزيكا جاوبتو الله يسمعنا خبار لخير قالي بيخير غير توحشناك وقلنا نعيطو نسولو فيك زعما.. سولتو واش لواليدة حداك قالي لا خدامة ليل ليوم، إوا ملي معيطلي غي بوحدك لاش كتهضر بصفة لجمع لمغاربة دلمرض ميمكنش يقولو ليك شي كلمة زوينة نيشان ديما خاصو لعوين ولجماعة.. واقف تنهضر معاه طالقها عليه راه سهران تنحفظ زعما قاليا إوا صافي نخليك تحفظ وترتاح تال من بعد ونعيطلك فيديو. قطع لواليد غادي راجع لدار لقيت سيد لي عارضني خارج لعندي قاليا نتمشاو شويا باغي نوريك شي حاجة قلت ليه آه وخا يمشي معانا صاحبي؟ قاليا مالك واش خايف؟ بزربا غنرجعو راه معاه كريستينا.. هاح عرفت سميتها واش ممكن يمشي معاك هو ونبقا انا معاها.. طبعا هادشي فخاطري فالواقع مهضرتش تحركت معاه طلعنا لطوموبيل سيد معرفتش فين غادي بيا ومبغيتش نسولو غنبان خواف.. بزربا وقفات طونوبيل عند واحد صال قريب لتما حل لباب ودخلنا كنتمشاو تما وتيهضر معايا قاليا بلي داك صال ديالو أنا لي دزت من حداها كنضربها شحال مدخلت لشي صال وتا لي كنت فيه صغير وعامر لمهم داوي أنا وخونا تيعاودلي بلي كان مقود ولكن دار كسيدة لعقها فكتفو مبقاش كيقدر يلعب.. أنا قاتلني نعاس وهو كيعاودلي فقصة حياتو عينيا بداو كيتسدو كنت غادي نعس ليه تما عاد دخل لمعقول سولني فاش خدام جاوبتو وقلتلو بلي لي خدام معاهم معرفة وعاجبني لحال وهو يبدا يضحك عليا قالي عاجبك لحال بلي كتغسل زبل ديال بنادم عرفتي قتلني ديك لحضة صافي وقالها بواحد لهجة ديالهم كون ما عارفوش كيضحك نقدر نشعل معاه بقيت ساكت قالي أجي خدم معايا هنا كيكونو دراري صغار تريني بيهم ومنها ترجع حتى نتا تتحرك ومتأكد غتربح كتر من داكشي لي كتاخد من لوقوف وغسيل لماعن بسوايع.. قلت ليه خليني نفكر قاليا نمرتي راه عندك.. رجعنا لدارو هزينا داك ولد لعبد من نهار عرفتو معمري شفتو فرحان بحال ديك ليلة.. وصلنا لبلاصة فين ساكنين قالي متنساش بلي واحد نهار غترجع منين جيتي خاصك تعيش هاد لأيام مزيان ماشي تغسل لماعن.. وتحرك سيد معرفتش علاش باغيني نخدم عندو غيكون مخاطر مع شي واحد تاني عليا..