الجزء 10
كنهدر مع لواليدة حتى جات لبنت حليت ليها لباب ونعتليها لبيت ديال دري لي كان معايا خاصني نعيط ليه تاهو يقلب على راسو فبلاصة أخرى.. كملت لهضرة مع لواليدة حطيت قدامي شي دوايات عطاتهم ليا طبيبة ياااع خنشة معارف تا واحد واش قبل ولا بعد عيطت على ختنى صدقات عارفا كاع دوك دوايات قالتلي خليهم عندي أنا غنعطيك كل واحد فوقتو أححح على لإهتمام يمشي عند مو لعراقي معمرو طيب ليا تا طاجين. داخل كندوش لما ولا كيجيني قاصح كون شافتني لواليدة هكدا تقدر تجيها سكتة قلبية يلاه باغي نعس وهيا تدخل عليا وقت دوا شربت لحبة قالتلي لبرة دبا دور لا بلاتي كيفاش دور داكشي ديال إديني لحقنة بسرعة.. واحد 4 يام دنيا صاقلا مكين غير لماكلا ونعاس نوح مبانش عشيرتو ومسولهاش فين مشات. كان خاصني نمشي لجامعة لي كنقرا فيها نشوف شي وراق قلتها للبنت وخرجت غادي كنتمشى على رجليا شويا مبقيتش كنعرج غير كافي لي مزال لاعقها فيه ووجهي غير قربت للجامعة وشكوون كيوقف عليا ديك صاحبت لواليدة زهر عندي ديال شي يهودي مسخوط لوالدين سيدة غادا بطوموبيل فطريقها شافتني وهيا توقف تبعاتني كتعيط عليا مبغيتش ندور عندها غتشوف وجهي غادي توصلها للواليدة سخونة هيا فيديو حتى غمل و نسيتو عاد وصلاتو ليها هاد لخبر مغاديش تعطلو، درت براسي بحالا مسمعتهاش كبرت لخطوة دخلت للإدارة جابو مدير جديد ضريف بقا كيسول فيا شنو وقع ليا قلت ليه غير كسيدة بقا كيوصي فيا حضي راسك وكدا تعطلت تما شويا بعدا حتى تمشي ديك خيتي كنطل من لباب مبانتش ليا قلت صافي هادي مشات غير خرجت وهيا توقف عليا سلام غير شافت وجهي وهيا تبدا أويلي مالك فوجهك قلت ليها غير كسيدة قالتلي واش بنتلك كنرضع صبعي تقولي كسيدة. بديت تنعاود ليها كنت غادي فطاكسي وبارك لور سيد وهو يضرب فشجرة وجهي جا على لكرسي لي قدامي.. بقيت طالقها عليها حتى سولاتني واش مك فخبارها هادشي هاااا شنو قالت شوافة بديت كنحلف فيها متقول للواليدة شي حاجة غادي غير تشطنها وأصلا موقع والو غير ضربات فجلدة لفوق غيبراو فسيمانة قالتلي وخا لي باليك عاود زدت أكدت عليها عنداك ديري بحال لبلان دلفيديو خليتيني حتى مشيت تما وصيفطتيه ليها قالتلي لا راه بقينا كنهدرو داك نهار وقلت زعما صافي لقضية فات عليها وقت.. متنساش راه صاحبتي هاديك وموصياني علك تانا دايراك بحال ولدي و... سالاتها بخاصك ترجع للخدمة تبقا قدام عينيا باش تالا سولاتني علك نقوليها راه بيخير متخافيش وأنا عارفا ضنو كنقول.. مبغيتش فلول ولكن ختنى لاحتها ليا بحالا غتجي ولا راه غنعاودليها على هادشي لي قدامي دبا. درت معاها باش نرجع سيمانة لي موراها للخدمة هيا من واحد ناحية كنت محتاج خدمة نعاون بيها شويا وي جامع شويا دلفلوس من داكشي لي كيسيفطو دار ولي كنت خديت من عند نوح ولكن مبغيتش نقيصهم حتى نوقف عليهم. لمهم داويت مع لواليدة لغد ليه مفخبارها والو سيدة مقالت ليها والو. بارك قدام تلفازا كنتفرج وهيا تجي ختنى بركات حدايا بدات كتسول فيا شنو باليك خاص يتبدل فيا مفهمتش سؤال باش نجاوبها قلت ليها كيفاش؟؟ قالت ليا بغيتك تنصحني.. على أساس أنا مطفرو زعما، وخا هكداك مسكتش بقيت شي نص ساعة وأنا داوي نصلاح مؤطر ولا طبيب نفساني نص ساعة بالحساب ولات باغا ترجع تكمل قرايتها. مزال داوين حتى كنسمع دقان حليت لباب لقيت نوح متصدمت موالو كنت عارف بلي غادي نعاود نشوفو كنت كنتسنا شي ضربة من حيت لا أدري ولا على الأقل يسبني سيد كيهدر باارد بحالا مكين والو سولني كيف بقيت قلت ليه بيخير وسكت وهو يقولي تقدر تكلملي كريستينا أنا قصحت وجهي قلت ليه شكون؟ مكينش شي واحد هنا بهاد سميت بنت لعبد وهيا تخرج راسها قالت ليا غير غنشوفو شنو باغي قلت ليها خودي راحتك حياتك هاديك ودخلت ورا لباب طالق ودني ولاد لعبد نزلو مع دروج ضرني راسي أنا واش هادو مفارقين ولالا باش نعرف محلي من الإعراب كيبانو ليا واقفين تحت لعمارة كنطل من لفوق مقدرت نسمع والو ولكن غير من وقفتهم وحركاتهم خونا باينا كيقولها ترجع لدار وكدا ومرة مرة كيشير بصبعو لدار عندي بشويا بشويا صوتهم بدا كيطلع تنسمع ولد لعبد كيسب فيا ساط طلع عنصري ديال بصح كنت باغي نهبط مع اول كلمة سمعتها ولكن غادي غير يتصور عليا مزال عيان بقيت طالق ودني حتى مشا ختنى طلعات مسولتها موالو بوحدها جات كتعاود ليا بلي باغيها ترجع جيتها من لخر(it's your choice) ديري لي بغيتي خليتها ودخلت لبيتي نعست لغد ليه قلت صافي غنلقاها مشات عارفهم كيتباغاو(لبغو شحال مستعملت هاد لمصطلح) وشحال وهوما مع بعضياتهم خرجت لقيت لفطور فوق طابلا قلت صافي هادي وجداتلي أخر فطور ومشات داكشي ديال لأفلام بارك كنفطر وكندور فعينيا يمكن تكون كملات ديكور وخلاتلي شي ورقة وهيا تخرج من دوش قالتلي صباح لخير وبركات كنفطرو قالتلي بلي صافي غادي تبقى ومعمر هاد لموضوع غادي يعاود يتجبد أنا غير كنهز فراسي هادشي مزيان قالتلي بلي باش تبقى خاصها تاهيا تقسم معايا فلوس دلكرا ولمصروف درت فيها عزة نفسي ساعة سيدة عندها كلمة وحدة مزيانة فيها خير خرجات تقاد مسائلها باش ترجع تكمل قرايتها داك لعام أنا كنت داير مع سيدة غنمشي للخدمة ديك ليلة سو خاص نرتاح بقيت غير بارك كنتفرج عيطت على دار شويا نتفكرهم حتى أنا مرة مرة مجاتش ديما هوما لي يبقاو يعيطو غير كملت معاهم عيطت على دري لي كان ساكن معايا باش نعلمو بلي بلاصتو طارت راه قالوها لوالا (Hoes before bros) ليفام دابوغ بواحد لغة(كنعرف نترجم😅) لمهم سيد كنوجد ليه شي قصة باش متجيش ناقصة نبان خويت بيه على ود درية حيت غنطيح بدرابو قدام لعرب صدق هو لي كان غادي يعيطلي باش يقولي بلي غادي يمشي لحي لجامعي هاد لعام صرعها قلت ليه خود راحتك من بعد ونتلاقاو وقطعت صافي نهار بادي زوين مشيت للخدمة فلعشيا سيدة كتسناني بواحد لكوستيم مزير عليا حطة ديال سرباي قلت ليها بهاد لوجه؟ قالت ليا مالو على مزيناتو راه مبقاش باين مضروب.. أول سيمانة تدوز بلاما نتضرب فيها ولا نجبد شي صداع كنرجع لدار بالي هاني عايش أنا وديك بنت ناس بحال لخوت كتسناني نزعم عليها وأنا من نوع لي إلا معرضتيش عليه للحاجة والله لا دارها وخا تبقا قدامو 100 عام، لمهم بدا لعام نهار لول غادي داخل لقيت لمدير كيتسنا فيا عند لباب دصال سلم عليا قاليا وخا ناخد دقيقة من وقتك؟ هاح سيد كيقتلني بصواب غادين كنتمشاو بزوج وقفنا عند واحد لقسم صغير خدامين فيه شي دراري كيصبغو فيه قاليا بلي ديك الجامعة فيها بنادم مخلط بزااف وأغلبهم معندهمش مع لغة بزاف وهادشي كيأتر ليهم على قرايتهم داكشي علاش باغي يعاونهم خاصو شي واحد كيهدر بالغات بزوج قاليا ونتا على ما كيبالي تقدر تعاون فهادشي قلت ليه مكرهتش ولكن لمستوى ديالي حتى أنا ضعيف وأصلا معنديش وقت وعندي خدمة أخرى فليل.. قالي هادي تاني مرة نهضر معاك لمستوى ديالك كتر من لمطلوب كاع وهادشي مغاديش ياخدلك بزاف دلوقت ساعة ولا زوج ف3 ايام من كل سيمانة وطبعا غادي يكون مقابل فلوس.. سيد قتلني صافي واش الله يجيبلك لخبزة حتال بابك وتسد عليها مجاتش درت معاه حتى نكمل لحصة لي عندي ديك ساعة ونهضرو فالوقت وداكشي لي درنا بركنا فالبيرو عندو ندير ليه خاطرو راه لمدير هادا يقدر يتعاون معايا فشحاال من حاجة الله أعلم نقدر نحتاجو من بعد. صافي لوقت لي مزال خاوي عندي هنا عمرتو راسي موحال واش نبقا نحكو منبعد ولكن مزيان هادشي غيخليني بعيد على طريق لمشاكل بعدا.. كملو لخدمة فداك لقسم دارو طابلو كراسي صرعوه سيمانة لي غنبداو فيها لابس مزيان وخا ديما لابس مزيان نهار لول هدا باغي نخلي داك لإنطباع ديال حتارموني راني واصل عندي معارف فالإدارة يقدرو يغبروك لمهم وصلت غادي داخل وهو يوقف عليا نوح سيد كيتسناني بطوموبيلتو قدام لباب معرفتوش شنو باغيني زعما صافي أنا وهو سالينا مورا داك تفرشيخ لي شرالي وحتى لبنت لي معايا مبقاش هضر معاها من شحال
Comments
Post a Comment